ខេត្តសៀមរាប៖ ជនសង្ស័យប្រុសស្រីចំនួន១១នាក់ ត្រូវបានកម្លាំងអាវុធហត្ថប្រឆាំងគ្រឿងញៀនខេត្តបានចុះបង្ក្រាបនិងចាប់ខ្លួនបញ្ជូនទៅតុលាការ ដើម្បីចាត់វិធានការតាមច្បាប់ ករណីជួញដូរនិងប្រើប្រាស់គ្រឿងញៀន ។
ហេតុការណ៏ចុះបង្ក្រាបករណីគ្រឿងញៀននេះបានធ្វើឡើងនៅវេលាម៉ោង១និង៣០នាទីរំលងអាធ្រាត្រឈានចូលថ្ងៃទី២៦ ខែកញ្ញា ឆ្នាំ២០១៥ស្ថិតនៅ៣ចំណុចផ្សេងគ្នាក្នុងសង្កាត់ស្វាយដង្គំ និងសង្កាត់ស្លក្រាម ក្រុងសៀមរាប ដែលដឹកនាំផ្ទាល់ដោយលោក សំរិទ្ធ សុខុន ព្រះរាជអាជ្ញារងអមសាលាដំបូងខេត្ត ។
លោកវរសេនីយ៍ឯក ស្រី យូរ៉ា មេបញ្ជាការរងកងរាជអាវុធហត្ថខេត្តបានឱ្យដឹងថា កម្លាំងជំនាញបានចុះបង្ក្រាបករណីជួញដូរនិងគ្រឿងញៀនខាងលើ ធ្វើការឃាត់ខ្លួនបានជនសង័្សយប្រុសស្រីចំនួន១១នាក់និងធ្វើការឆែកឆេក្នុងបន្ទប់ជួល និងក្នុងអ៊ិនធឺណែត ។
លោកបានបន្តទៀតថា ជនសង្ស័យប្រុសស្រីទាំង១១នាក់នេះ មានទី១/ឈ្មោះឈរភារិទ្ឋ ភេទប្រុសអាយុ២៥ឆ្នាំមុខរបរមិនពិតបា្រកពីបទ(ជួញដូរ)ទី២/ឈ្មោះ ឈុបរស្មី ភេទប្រុស អាយុ២៣ឆ្នាំមុខរបរមិនពិតបា្រកដ ទី៣/ឈ្មោះ យ៉ែមមុនីរ៉ាក់ ភេទស្រី អាយុ២៤ឆ្នាំ ទី៤/ឈ្មោះ សឿនសំណាង ភេទប្រុស អាយុ២៧ឆ្នាំ ទី៥/ឈ្មោះរីម ភារះ ភេទប្រុស អាយុ២៣ឆ្នាំ ទី៦/ឈ្មោះយិមសុពីន ភេទប្រុស អាយុ២៣ឆ្នាំ ទី៧/ឈ្មោះមឿនហិត ភេទប្រុស អាយុ២៥ឆ្នាំ ទី៨/ឈ្មោះមាសរ៉ានី ភេទប្រុស អាយុ២៣ឆ្នាំ ទី៩/ឈ្មោះថាន់ឌី ភេទប្រុស អាយុ១៥ឆ្នាំ ទី១០/ឈ្មោះ ទូច ចុងហ៊ុន ភេទប្រុស អាយុ២៥ឆ្នាំ ទី១១/ឈ្មោះខេនិន ភេទប្រុស អាយុ៣២ឆ្នាំ ។ សូមបញ្ជាក់ថា ជនសង្ស័យប្រុស ស្រី ទាំង១១នាក់នេះ ជាអ្នកជួញដូរនិងប្រើប្រាស់គ្រឿងញៀនដ៏សកម្ម មានទីលំនៅក្នុងក្រុងសៀមរាប ។
លោកវរសេនីយ៍ឯក ស្រី យូរ៉ា មេបញ្ជាការរងកងរាជអាវុធហត្ថខេត្តបានឱ្យដឹងទៀតថា ក្រោយពីសមត្ថកិច្ចយើងធ្វើការសួរនាំរួចហើយនោះជនសង័្សយប្រុសស្រីទាំង១១នាក់បានសារភាពថាពួកគេពិតជាបានធ្វើសកម្មភាពជួញដូរនូវសារធាតុញៀននៅក្នុងក្រុងសៀមរាបពិតបា្រកដមែន នេះជាចំម្លើយសារភាពរបស់ជនសង័្សយនៅមុខសមត្ថកិច្ច ។
ក្រោយពីធ្វើការសួរនាំរួចសមត្ថកិច្ចបានកសាងសំណុំរឿងជនសង័្សយទាំង១១នាក់ រួចដកហូតបានវត្ថុតាងរួមមាន ម្សៅមេតំហ្វេតាមីនចំនួន០៤កញ្ចប់ស្មើនិងទំម្ងន់៣.០២ក្រាមនិងទូរស័ព្ទដៃចំនួន១២គឿង,ដាវដែក១ ព្រមទាំងឧបករណ៏ប្រើបា្រស់គឿងញៀនមួយចំនួនធំ។បច្ចុប្បន្នជនសង្ស័យប្រុសស្រីចំនួន១១នាក់ត្រូវបានបញ្ជូនទៅកាន់សាលាដំបូងខេត្តនៅរសៀលថ្ងៃទី២៦ ខែកញ្ញា ឆ្នាំ២០១៥ នេះដើម្បីចាត់ការតាមផ្លូវច្បាប់់ ។
គួរបញ្ជាក់ផងដែរថា ចំពោះជនសង្ស័យប្រុស២នាក់ទៀត សមត្ថកិច្ចកងរាជអាវុធហត្ថមិនបានដាក់ឱ្យថតរួមគ្នានោះ ទេ ដោយសារសមត្ថកិច្ចលាក់ទុក ដើម្បីតាមដានរកមេក្លោងយកមកបន្តដើម្បីដាក់ទោសទៅតាមផ្លូវច្បាប់ ៕
ដោយ៖ ជានិរន្ដរ៍
