ភ្នំពេញ៖ គណៈកម្មាធិការជាតិអូឡាំ ពិកកម្ពុជាបានផ្ដល់វគ្គបណ្ដុះបណ្ដាលគ្រូកីឡាចំបាប់មានរយៈពេល៥ថ្ងៃហើយ បានបញ្ចប់កាលពីល្ងាចថ្ងៃទី២៥ ខែកញ្ញា ឆ្នាំ២០១៥នៅទីស្នាក់ការគណៈកម្មាធិ ការជាតិអូឡាំពិកកម្ពុជាដោយមានការចូលរួមពី លោក វ៉ាត់ ចំរើន អគ្គលេ ខាធិការ NOCC និងជាប្រធានសហព័ន្ធ កីឡាចំបាប់កម្ពុជា ។ នៅក្នុងពិធីនោះ ក៏មានការប្រគល់វិញ្ញាបនបត្របញ្ជាក់ការសិក្សាដល់សិក្ខាកាមទាំង២៦នាក់ ព្រមទាំងប្រគល់វត្ថុអនុស្សាវរីយ៍ដល់ គ្រូឧទ្ទេស២នាក់ផងដែរ ។
លោកគ្រូ ហុក ឈាងគីម ប្រធាន គ្រប់គ្រងវគ្គបានឱ្យដឹងថា សិក្ខាកាម ដែលចូលរួមសិក្សាក្នុងវគ្គសិក្សានេះមកពីក្លិបកីឡាចំបាប់១១នាក់ក្លិបយាយព្រីងខេត្ដពោធិ៍សាត់២នាក់, ក្លិបចំបាប់រិទ្ធី សែន៣នាក់, ក្លិបចំបាប់ល័ក្ខរ៉ៃយ៉ុង២ នាក់, ក្លិបចំបាប់ភ្នំពេញ៥នាក់, ក្លិប ចំបាប់ឃ្លាំងមឿង២នាក់ និងនាយក បច្ចេកទេស១នាក់ សរុបសិក្សាបុរស ២០នាក់នារី៦នាក់ ។
វគ្គសិក្សានេះបានចែកចេញជាមេរៀន ទ្រឹស្ដីនិងអនុវត្ដជាក់ស្ដែងផ្សេងៗគ្នាធ្វើឱ្យសិក្ខាកាមបានយល់ដឹងពីការរៀបចំ គម្រោងផែនការហ្វឹកហាត់និងតារាង កាលវិភាគប្រចាំថ្ងៃខែនិងឆ្នាំព្រមទាំង ចិត្ដគរុកោសល្យកីឡាចំបាប់ជំហរកីឡាចំបាប់របៀបរំកិលខ្លួនបច្ចេកទេសនៃការចាប់ជើងបច្ចេកទេសការពារការផ្ដល់ ដំបូន្មានដល់សិស្សព្រមទាំងការប្រឆាំងសារធាតិញៀននិងវេជ្ជសាស្ដ្រកីឡាផង ដែរ ។
លោកបានបន្ដទៀតថា លទ្ធផលការ សិក្សាត្រូវបានគ្រូឧទ្ទេសវាយតម្លៃថាក្នុងចំណោមសិក្ខាកាមទាំង២៦នាក់មាន៥ នាក់ស្មើ១៩,២៣ភាគរយទទួលនិទ្ទេស ល្អ១២នាក់ស្មើ៤៦,១៥ភាគរយមាន និទ្ទេសល្អបង្គួរនិង៩នាក់ស្មើនឹង៣៤,៦១ភាគរយមាននិទ្ទេសមធ្យម ។
លោក Terry Steinner និង លោក Trevor Hoskins គឺ ជាគ្រូឧទ្ទេសកម្រិត ខ្ពស់របស់សហព័ន្ធចំបាប់អន្ដរជាតិបាន ថ្លែងកោតសរសើរដល់លោកគ្រូអ្នក គ្រូបង្ហាត់កីឡាចំបាប់កម្ពុជាយ៉ាងដូច្នេះ ថាខ្ញុំមានក្ដីរំភើបក្រៃលែងដោយបាន មកជួបសិក្ខាកាមទាំងអស់នាពេលនេះ បើទោះបីគ្រូមួយចំនួនបានមកពីខេត្ដ ឆ្ងាយៗក៏ពួកគាត់តស៊ូត្រងត្រាបនិង ឈ្វេងយល់រាល់ការពន្យលទ្រឹស្ដីនិងការ អនុវត្ដលើទីលាន ។
ក្រោយពីប្រគល់វិញ្ញាបនបត្រដល់សិក្ខាកាមនិងជូនវត្ថុអនុស្សាវរីយ៍ជូន គ្រូឧទ្ទេសរួចមកលោក វ៉ាត់ ចំរើន បានផ្ដាំផ្ញើដល់សិក្ខាកាមដែលទើបបានបញ្ចប់វគ្គសិក្សានេះធ្វើយ៉ាងណាយកចំណេះ ដឹងដែលទទួលបានពីគ្រូឧទ្ទេសទាំង២ទៅអនុវត្ដឱ្យមានប្រសិទ្ធភាព ៕
ដោយ៖ សារីម
