ភ្នំពេញ ៖ ហេតុការណ៍ភ្ញាក់ផ្អើលមួយ បានកើតឡើងបន្ទាប់ពី បុរសជនជាតិបរទេសម្នាក់ ដែលសង្ស័យបែកថ្នាំ បានទៅដកលុយនៅទូរATM របស់ធនាគារABA មិនចេញមួម៉ៅក្ដៅក្រហាយបាន វ៉ៃបំបែកទូរតែម្ដង។

ករណីខាងលើនេះបានកើតឡើងកាលពីវេលាម៉ោង៣រសៀល ថ្ងៃទី១១ខែឧសភា ឆ្នាំ២០១៧ ដែលស្ថិតនៅចំណុចមុខ ប្រៃសណីយ៍ ផ្លូវលេខ១៣ សង្កាត់វត្តភ្នំ ខណ្ឌដូនពេញ។

បើតាមប្រភពពីកន្លែងកើតហេតុបានអោយដឹងថា មុនពេលកើតហេតុគេបានឃើញ បុរសជនជាតិបរទេសម្នាក់ដែលមានអាយុប្រហែលជាង៤០ឆ្នាំ បានដើរតាមផ្លូវខាងលើ ក៏ស្រាប់តែមកដក លុយនៅទូរATM របស់ធនាគារABA មិនចេញមួម៉ៅក្ដៅក្រហាយបានវ៉ៃបំបែកទូរតែម្ដង។

ភ្លាមៗនោះប្រជាពលរដ្ឋនៅទីនោះបានរាយការណ៍ទៅសមត្តកិច្ចបានមកឃាត់ខ្លួនជនបរទេសខាងលើដើម្បីយកទៅសាកសួរនៅប៉ុសិ៍នគរបាលវត្តភ្នំ និងបញ្ចូនបន្តទៅអធិការនគរបាលខណ្ឌដូនពេញ ចាត់ការតាមនិតីវិធី៕