ខេត្តកំពង់ធំ ៖  នៅវេលាម៉ោង១០និង៣០នាទីយប់ថ្ងៃទី១៤ខែឧសភាឆ្នាំ ២០១៧មានករណីយកខ្សែលីឡុង(ខ្សែគោ)ចងកាត់ទទឹងផ្លូវនៅចំណុចលើផ្លូវលំ ខាងកើតភូមិខ្សាច់ល្អិតចម្ងាយមួយគីឡូម៉ែត្រស្ថិតក្នុងឃុំចុងដូងស្រុកបារាយណ៌។

សមត្ថកិច្ចបានបញ្ចាក់ថា ជនបង្ករពុំស្គាល់អត្តសញ្ញាទេបានយកខ្សែលីឡុងចងកាត់ទទឹងផ្លូវពីដើមឈើមួយទៅដើមឈើមួយធ្វើទាក់កជនរងគ្រោះឈ្មោះឈួនប៊ុនធឿនភេទប្រុសអាយុអាយុ38ឆ្នាំរស់នៅភូមិកើតហេតុដែលបានបើកម៉ូតូរឺម៉កដឹកឈើបណ្ដាលអោយធ្លាក់ពីលើម៉ូតូរឺម៉កស្លាប់នៅនិងកន្លែងកើតហេតុ ចំណែកអ្នករួមដំណើម្នាក់ឈ្មោះ ប៉ាវហៃ ភេទប្រុសអាយុ40ឆ្នាំរស់នៅភូមិគូឃុំចុងដូងស្រុកបារាយណ៌ពុំមានរងរបួសទេ។

សាកសពជនរងគ្រោះត្រូវបានបងប្អូនប្រពន្ធកូនយកទៅធ្វើបុណ្យតាមប្រពៃណី ។បច្ចុប្បន្នសមត្ថកិច្ចកំពុងធ្វើការស្រាវជ្រាវរកមុខជនបង្កមកផ្ដន្ទាទោសតាមច្បាប់ ៕ ប៊ុន រិទ្ធី