ខេត្តព្រះសីហនុ ៖  បើទោះបីជាមានការបញ្ជាក់ពី ឯកឧត្តម ឈិន សេងងួន អភិបាលរងនៃគណះអភិបាលខេត្តព្រះសីហនុ និងជាប្រធានគណះកម្មាធិការអភិវឌ្ឍន៍តំបន់ឆ្នេរ នាពេលកន្លងមកនេះទាក់ទងទៅនិងការរិះគន់របស់មន្ត្រីរាជការ ប្រជាពលរដ្ឋនៅខេត្តព្រះសីហនុ ក៍ដូចជាភ្ញៀវទេសចរណ៍ជាតិ-អន្តរះជាតិ  ដែលបានរិះគន់ចំៗទៅលើក្រុមហ៊ុនបរទេសដែលកំពុងតែសាងសង់សំណង់់សណ្ឋាគារលំដាប់ផ្កាយ៥ស្ថិតក្នុងភូមិ១ សង្កាត់៣ក្រុង-ខេត្តព្រះសីហនុថា  ក្រុមហ៊ុនខាងលើកំពុងតែប្រើល្បិចថ្ពិនភ្នែកជាមួយរដ្ឋបាលសាលាខេត្តព្រះសីហនុ ក្រោមរូបភាព( មុងធំ បន្លំដេក ) ។

ក្រុមហ៊ុនខាងលើបានយកអ្នកមានអំណាចនៅខាងក្រោយខ្នង ក្នុងការរំលោភយកដីឆ្នេរសារធារណះរបស់រដ្ឋសាងសង់សំណង់រឹងមាំរបស់ខ្លួនបានយ៉ាងរលូន មិនឃើញមានជំនាញពាក់ព័ន្ធឬអាជ្ញាធរចុះត្រួតពិនិត្យឡើងវិញ ពីលក្ខណះបច្ចេកទេសដែល មាននៅក្នុងច្បាប់អនុញ្ញតិក្នុងការសាងសង់បានកំណត់រួចនាពេលកន្លងមក ពីគម្លាតដីចំណីឆ្នេរសាធារណះរបស់រដ្ឋ ដែលឯកឧត្តមបានបញ្ជាក់ថានិងឲ្យមន្ត្រី ជំនាញចុះពិនិត្យលើនិយាមការ ដែលក្រុមហ៊ុនសាងសង់ខាងលើបានសន្យានាពេលកន្លងមក បើក្រុមហ៊ុនមិនបានអនុវត្តតាមកិច្ចសន្យារបស់ខ្លួនរដ្ឋបាលខេត្តនិងអនុវត្តទៅតាមនិតិវិធីនៃច្បាបសំណង់់។ ផ្ទុយទៅវិញ រហូតមកដល់ពេលនេះក្រុមហ៊ុនបរទេសខាងលើបាននិងកំពុងតែបន្តចាក់ជាបង្គោលសរសរគ្រឹះធ្នឹមបេតុងដើម្បីចាក់ដីលុបយកឆ្នេរធម្មជាតិ ធ្វើជាកម្មសិទ្ទឯកជនរបស់ក្រុមហ៊ុន ដោយបានប្រើល្បិច (  មុងធំ បន្លំដេក )ដដែល។

មន្ត្រីរាជការនិងប្រជាពលរដ្ឋនៅខេត្តព្រះសីហនុបានឲ្យដឹងថា កន្លងមកពលរដ្ឋគាំទ្រយ៉ាងពេញទំហឹងទៅនិងចំណាត់ការរបស់អាជ្ញាធរខេត្តដែលបាន រំដោះទុំលុះទុំលាយរបងហ៊ុំព័ទ្ធដីឆ្នេរសមុទ្រចំណុចសំខាន់ៗបានជាច្រើនកន្លែងសម្រាប់បំរើឲ្យភ្ញៀវទេសចរណ៍ទន្ទឹមជា មួយគ្នានេះក៍នៅមានចំណុចសេសសល់តំបន់ឆ្នេរ មួយចំនួនទៀត ដែលប្រជាពលរដ្ឋ មិនមានធនធានអាចចូលទៅកំសាន្តបាននៅឡើយទេ ដូចជាសណ្ឋាគារលំដាប់ផ្កាយ៥ដែលមានព្រំជាប់គ្នាជាមួយនិងសណ្ឋាគារដែលកំពុងដំណើរការសាងសង់ខាងលើបើប្រជាពលរដ្ឋឬមន្ត្រីរាជការ មិនសម្រាកនៅក្នុងសណ្ឋារគារលំដាប់ខ្ពស់ខាងលើនោះទេសូម្បីតែធ្វើដំណើរឆ្លងកាត់តាមឆ្នេរក្បែរសណ្ឋាគារក៍ត្រូវបាន ហាមឃាត់ដោយសន្តិសុខរបស់សណ្ឋាគារនោះដែរ។  ប្រភពខាងលើបានបន្តទៀតថាស្រាប់តែពេលថ្មីៗនេះក្រុមហ៊ុនបរទេសដែលកំពុងដំណើរការសាងសង់ខាងលើបានចាក់បង្គោលគ្រឹះនិងធ្នឹមបេតុងរំលោភយកដីឆ្នេរដែលជាការបាត់បង់ឆ្នេរជាថ្មីបន្ថែមទៀត សបញ្ជាក់ពីសកម្មភាពផ្គើនទៅនិងរដ្ឋបាលសាលាខេត្តក៍ដូចជាក្រសួងទេសចរណ៍ ដែលបានខិតខំបើកឲ្យដំណើរការ និងកំណត់ឲ្យមានតំបន់ឆ្នេរ សម្រាប់បំរើឲ្យវិស័យចរណ៍បន្ថែមទៀតទៅវិញ។

ឯកឧត្តមឈិន សេងងួនអភិបាលរងខេត្តប្រធានគណះកម្មាធិការអភិវឌ្ឍន៍តំបន់ឆ្នេរខេត្តព្រះសីហនុបានឲ្យដឹងថាបន្ទាប់ពីទទួលបានពត៏មានថាក្រុមហ៊ុនខាងលើសាងសង់រំលោភលើដីចំណីឆ្នេរឯកឧត្តមបានឲ្យក្រុមការងារបច្ចេកទេសអន្តរវិស័យខេត្តចុះត្រួតពិនិត្យវាស់វែងដោយម៉ាស៊ីន (G.P.S)រកចំណុចនិយាមការទៅតាមប្លង់ស្ថាបត្យកម្មរបស់ក្រសួងរៀបចំដែនដីនគរូបនីយកម្មសំណង់និងសុរិយោដីដោយកំណត់យកចំនួន៣ពង់ ប៉ុន្តែដោយសារតែម៉ាស៊ីនវាស់វែង(G.P.S) តូចពេកដូចនេះក្រុមការងារបច្ចេកទេសខាងលើបានធ្វើរបាយការណ៍ជូនឯកឧត្តមអភិបាលខេត្តដើម្បីណែនាំឲ្យម្ចាស់ក្រុមហ៊ុនសាងសង់ខាងលើសហការណ៍ជាមួយមន្ទីររៀបចំដែនដីខេត្តនិងក្រសួងរៀបចំដែនដីនគរូបនីយកម្មសំណង់និងសុរិយោដីដើម្បីបានយកម៉ាស៊ីនវាស់វែងខ្នាតធំយកមករកចំណុចនិយាមការ ឲ្យបានជាក់លាក់ទៅតាមប្លង់គោលស្ថាបត្យកម្មបន្ថែមទៀត។

ឯកឧត្តមបានបន្តឲ្យដឹងទៀតថា តាមប្លង់ស្ថាបត្យកម្មដែលក្រុមហ៊ុនបរទេសខាងលើបានស្នើរសុំ សាងសង់ជាសណ្ឋាគារលំដាប់ផ្កាយ៥ អនុញ្ញត្តិដោយអាជ្ញាធរខេត្តនិងមានការឯកភាពពីអាជ្ញាធរជាតិគ្រប់គ្រងនិងអភិវឌ្ឍន៍ឆ្នេរសមុទ្រកម្ពុជាដើម្បីរៀបចំឆ្នេរឲ្យបានស្អាតសម្រាប់បំរើឲ្យសាធារណះជន ឯកឧត្តមបានគូសបញ្ជាក់ទៀតថាតាមប្លង់គោលនៅលើដីឆ្នេរខាងមុខសណ្ឋាគារមាន រៀបជាសួនច្បារ ផ្លូវថ្មើរជើង និងអាងហែលទឹកសម្រាប់បំរើឲ្យសាធារណះជនពេលធ្វើដំណើរចូលមកកំសាន្តដោយកំណត់យកថ្លៃសេវាទាបទៅតាមការកំណត់របស់អាជ្ញាធរជាតិគ្រប់គ្រងនិងអភិវឌ្ឍន៍ឆ្នេរសមុទ្រកម្ពុជា។ហើយក៍ជាសមិទ្ធិផលទេសចរណ៍ថ្មីមួយទៀតសម្រាប់ខេត្តព្រះសីហនុ។

ទោះបីមានការអះអាងរបស់ឯកឧត្តមអភិបាលរងខេត្តយ៉ាងណាក៍ដោយ ក៍មន្ត្រីរាជការ ប្រជាពលរដ្ឋនៅខេត្តព្រះសីហនុបានដាក់ការសង្ស័យថាជាករណីឃុបឃិតមានលក្ខណះជាប្រព័ន្ធ ក្នុងការរំលោភយកដីឆ្នេរក្រោមរូបភាព (មុងធំ_បន្លំដេក ) ដែលផ្ទុយទៅនិងច្បាប់រដ្ឋធម្មនុញ្ញនៃព្រះរាជាណាចក្របានចែងថា ភ្នំ ទន្លេ បឹងបួរ ឆ្នេរសមុទ្រ។ល។មិនមានបុគ្គលណាម្នាក់យកធ្វើជាអាជីវកម្មនិងជាកម្មសិទ្ធបុគ្គលណាម្នាក់បានដែរ ៕ ឆ្លាមសមុទ្រ