ខេត្តព្រះសីហនុ៖ ជនសង្ស័យម្នាក់ត្រូវបានសមត្ថកិច្ចនគរបាលប្រឆាំងបទល្មើសគ្រៀងញៀនខេត្តព្រះសីហនុឃាត់ខ្លួន កាលពីវេលាម៉ោង៦ និង៤៥នាទីយប់ ថ្ងៃទី២៩ ខែកញ្ញា ឆ្នាំ២០១៥ ស្ថិតក្នុងក្រុម៦ ភូមិ៣ សង្កាត់៤ ក្រុងព្រះសីហនុ។
ប្រភពព័ត៌មានពីសមត្ថកិច្ចបានឲ្យដឹងថា ជនរងគ្រោះដែលត្រូវបានឃាត់ខ្លួនខាងលើឈ្មោះពន ចំណាន ភេទប្រុស អាយុ២៧ឆ្នាំ មុខរបរនិងទីលំនៅមិនពិតប្រាកដ មានស្រុកកំណើតក្នុងឃុំស្រឡៅ ស្រុកបារាយណ៍ ខេត្តកំពង់ធំ។
ប្រភពដដែលបានបានបន្ដឲ្យដឹងថា បន្ទាប់ពីទទួលបានព័ត៌មានថាមានករណីជួញដូរគ្រឿងញៀននៅចំណុចខាងលើ សមត្ថកិច្ចក៏ចេញប្រតិបត្តិការបង្ក្រាប ដោយឃាត់ខ្លួនបានជនសង្ស័យម្នាក់ខាងលើ ថែមទាំងដកហូតបានវត្ថុតាងមួយចំនួនដូចជា ថ្នាំញៀនប្រភេទមេតំហ្វេតាមីនមួយកញ្ចប់តូចទម្ងន់០,៦០គីឡូក្រាម និងទូរស័ព្ទដៃមួយគ្រឿង។
បច្ចុប្បន្នជនសង្ស័យខាងលើ ត្រូវសមត្ថកិច្ចឃុំខ្លួនបណ្ដោះអាសន្នដើម្បីកសាងសំណុំរឿងបញ្ជូនទៅសាលាដំបូងខេត្ត ចាត់ការតាមនីតិវិធី៕
ដោយ៖ ឆ្លាមសមុទ្រ
