ខេត្តស្វាយរៀង ៖ មានករណីគ្រោះថ្នាក់ចរាចរណ៍គួរអោយរន្ធត់ បណ្ដាលអោយបុរស៣នាក់រងរបួសធ្ងន់ស្រាលខណះដែលម៉ូតូបើកបញ្ច្រាស់ទិសហើយឆ្លងថ្នល់ត្រូវម៉ូតូមួយគ្រឿងទោតគេចមិនផុតបុកចំពាក់កណ្តាលលាន់សូររន្ទះកាលពីវេលាម៉ោង៥ ល្ងាចថ្ងៃទី៥ខែមិថុនាឆ្នាំ២០១៧នៅលើផ្លូវជាតិលេខ១ ស្ថិតក្នុងភូមិទន្លៀង ឃុំរមាំងថ្កោល ស្រុកស្វាយទាប ខេត្តស្វាយរៀង។

បើតាមអ្នកភូមិបានឲ្យដឹងថា នៅមុនពេលកើតហេតុនោះគេឃើញបុរសម្នាក់គេស្គាល់ថាជាបុគ្គលិកធនាគាប្រាសាក់មានឈ្មោះ សុច ចាន់រី អាយុ  ៣០ឆ្នាំជិះម៉ូតូមួយគ្រឿងម៉ាកសង់សេ១២៥ ស៊េរី ឆ្នាំ២០១៦ ពណ៌ ខ្មៅ ពាក់ស្លាក លេខស្វាយរង 1i 0288 ធ្វើដំណើរពីទិសខាងកើតទៅលិច លុះមកដល់ចំណុចកើតខាងលើស្រាប់តែមានម៉ូតូមួយគ្រឿងទៀតម៉ាកសង់ឆ្នាំ២០១៧ ពណ៌ ខ្មៅ ពាក់ស្លាកលេខ ស្វាយរៀង 1J 2118 បើកបរដោយឈ្មោះ ភា ភេទប្រុស អាយុ ប្រហែល២០ឆ្នាំជិះឌុបគ្នា២នាក់ធ្វើដំណើរពីលិចមកកើតជិះអែបខាងឆ្វេងដៃបញ្ច្រាស់ទិសគ្នាហើយខណះនោះស្រាប់តែបត់ឡើងខាងស្តាំបំណងឆ្លងថ្នល់មិនទាន់ផុតគំនូសផងក៏ត្រូវម៉ូតូសង់០១៦ធ្វើដំណើរពីកើតបុកចំពាក់កណ្តាលពេញទំហឹងលាន់ដូចរន្ទះបណ្ដាលអោយដួលរណូករណែលពេញផ្លូវតែម្ដង។