ភ្នំពញ ៖ សម្លារៈប្រើប្រាស់មួយចំនួនត្រូវបានអគ្គិភ័យឆាបឆេះអស់ទាំងស្រុងដោយសារទុស្សេចរន្តអគ្គសនីបង្កកាភ្ញាក់ផ្អើលដល់ប្រជាពលរដ្ឋនិងរថយន្តពន្លត់អគ្គីភ័យចេញជួយអន្តរាគមន៍។
អគ្គីភ័យនេះបានកើតឡើងកាលពីវេលាម៉ោង១២និង៤០នាទីព្រឹកថ្ងៃទី៦ខែមិថុនាឆ្នាំ២០១៧នៅក្នុងផ្ទះល្វែងសង់ថ្មីភូមិវិមានទ្រុងសង្កាត់ក្រាំងធ្នង់ខណ្ឌសែនសុខ។
ប្រភពព័ត៌មានពីកន្លែងកើតហេតុបានអោយដឹងថានៅមុនពេលកើតគេឃើញមានផ្សែងហុយខ្លាំងទៅឡើងៗចេញពីផ្ទះជនរងគ្រោះខាងលើបង្ករការភ្ញាក់ផ្អើលដល់ប្រជាពលរដ្ឋនៅក្បែនោះភ័យស្លន់ស្លោហើយបាននាំគ្នាជួយវាយបំបែកទ្វារកញ្ចក់និងកាត់សោរផ្ទះចេញហើយបានយកទុយោទឹកបាញ់ពន្លត់ក្រោយពីរថយន្តពន្លត់អគ្គីភ័យទៅដល់ប៉ន្តែសម្ភារៈនៅក្នុងផ្ទះបានឆេះអស់ទាំងស្រុង។
តាមការអោយដឹងពីអាជ្ញាធរមូសដ្ឋានបានអោយដឹងថា ម្ចាស់ផ្ទះមានឈ្មោះ រ៉ន សុីណា ភេទស្រីអាយុ៣៣ឆ្នាំមុខរបរលក់ដូរនៅផ្សារឈូកមាសស្នាក់នៅផ្ទះកើតហេតុខាងលើ។
ប្រភពពីម្ចាស់ផ្ទះបានប្រាប់អោយដឹងថារូបគាត់បានចាក់សោរផ្ទះហើយចេញទៅលក់ដូរនៅឯផ្សារឈូកមាសតាំងពីព្រឹកលុះដល់ម៉ោងកើតហេតុមានអ្នកជិតខាងបានទូរស័ព្ទប្រាប់ថាភ្លើងឆេះហើយទើបគាត់ប្រញាប់មកប៉ុន្តែពេលមកដល់សម្ភារៈក្នុងផ្ទះបានឆេះអស់ទៅហើយ។គាត់បន្តថាសម្ភារៈដែលខូចខាតមានទូទឹកកក១គ្រឿង ម៉ាសុីនបោកខោអាវ១គ្រឿង ទូដាក់សំលៀកបំពាក់១គ្រឿងរួមនិងសំលៀកបំពាក់នៅក្នុងទូ ទី៤ទូរទស្សន៍ចំនួន២គ្រឿង លុយចំនួន២០មុីនរៀល។
សមត្ថកិច្ចមូលដ្ឋានបានអោយដឹងថាករណីអគ្គីភ័យនេះបានរលត់ទៅវិញដោយប្រជាពលរដ្ឋបាននាំគ្នាជួយយកទុយោទឹកបាញ់ពន្លត់ហើយរថយន្តពន្លត់អគ្គីភ័យបានទៅដល់ចំនួន១គ្រឿងប៉ុន្តែមិនបានបាញ់ទេព្រោះភ្លើងបានរលត់អស់ហើយ៕ តុង សីហា
