ភ្នំពេញ៖ តារាចម្រៀងលំដាប់ជួរមុខនៅផលិតកម្មហង្សមាស លោក ព្រាប សុវត្ថិ ត្រូវបានធគេទម្លាយថាលោក បានដឹកដៃកូនប្រុសបណ្តូលចិត្តបីរូបចូលច្រៀងក្នុងផលិតកម្មហង្សមាសហើយ។ តំណែងជាអ្នកចម្រៀងអាជីបរបស់កូនប្រុសរបស់តារាលេចធ្លោរនេះក្រោយពីការធ្វើតេសសាកល្បងកន្លងមកទទួលបានជោគជ័យ។
ប្រភពពីអ្នកដឹកនាំសម្តែងនៅផលិតកម្មហង្សមាស បានឱ្យដឹងថា ព្រាប សុវត្ថិបានត្រៀមរួចជាស្រេចក្នុងការរុញ កូនប្រុស២នាក់ ឱ្យចូលច្រៀងនៅផលិតកម្មហង្សមាសនោះ គឺប្រុសសង្ហា សុវត្ថិ មុនីវណ្ណ និងសុវត្ថិ សិរីវុធ ។ កូនប្រុសពីរនាក់ចូលច្រៀងនៅផលិតកម្មហង្សមាសនេះ គឺបន្ទាប់ពី ព្រាប សុវត្ថិ បាននាំកូនប្រុសចេញទៅច្រៀងរាំនៅលើទឹកដីនៃប្រទេសជប៉ុនកាលពីពេលកន្លងទៅ។ ប្រភពបន្តថាកន្លងមកកូនប្រុសសង្ហា ទាំងបីរបស់លោកបានអមដំណើរឪពុក និងឡើងរាំយ៉ាងស្ទាត់ជំនាញផងដែរ។ មានការលើកឡើងដែរថាក្នុងចំណោមកូនប្រុសទាំងបីគឺពួកគេបានធ្វើតេស្តសំឡេងហើយគឺពួកគេសុទ្ធតែមានសមត្ថភាពមិនចាញ់ឪពុករបស់គេឡើយហើយផលិតកម្មធំនេះបានយល់ព្រមយកកូនព្រាប សុវត្ថិ ជាផ្លូវការទៅហើយបន្ទាប់ពីការធ្វើតេសសាកល្បងទទួលបានលទ្ធផលល្អ។
គេនៅមិនទាន់ស្វែងរកការបញ្ជាក់បន្ថែមពីតារាចម្រៀង ព្រាប សុវត្ថិបាននៅឡើយទេ ប៉ុន្តែកន្លងមក លោកព្រាប សុវត្ថិ ធ្លាប់លើកឡើងដែរថា លោក បើកផ្លូវឲ្យកូនៗទាំងអស់មានសិទ្ធិជ្រើសរើសជំនាញនិងអាជីពដែលពួកគេចូលចិត្ត បូករួមទាំងការងារសិល្បៈនេះ។ ទោះជាយ៉ាងណាលោកក៏ជំរុញឲ្យកូនៗទាំងអស់របស់លោកឲ្យបញ្ចប់ការសិក្សាលើកជំនាញណាមួយនៅមហាវិទ្យាល័យសិន។
ការច្រៀងរបស់កូនប្រុសលោកព្រាប សុវត្ថិចេញរូបរាងមែននោះ លោក និងក្លាយជាតារាចម្រៀងជើងចាស់ទីពីរដែលអាចរុញកូនឲ្យចូលច្រៀងក្នុងផលិតកម្ម ហង្សមាសបានបន្ទាប់ពី លោក ហួរ ឡាវី ដែលបានរុញច្រាន កូនស្រីវី ឌីណែតចូលច្រៀងលើទ្រនំល្បីល្បាញមួយនេះ៕ វឌ្ឍនា
