ខេត្តកំពង់​ធំ ៖  បុរសពីរនាក់ក្នុងចំណោមគ្នាបួននាក់បាននាំគ្នារើសត្រីក្រពតមួយថង់តូចយកមកចំអិនក្លែមស្រាស ក្នុងខ្ទមចំការមួយកន្លែងពុលស្លាប់ម្នាក់និងមានអាការ:ធ្ងន់ធ្ងរម្នាក់  ហេតុការណ៍នេះបានកើតឡើងកាលពីវេលាម៉ោង១១នឹង៣០នាទីព្រឹកថ្ងៃទី២២ ខែមិថុនា​​​ ឆ្នាំ២០១៧​​ នៅចំណុចខ្ទមចំការក្បែរមាត់ស្ទឹងជីនិត ស្ថិតនៅភូមិបាក់ស្នា  ឃុំបាក់ស្នា  ស្រុកបារាយណ៍  ខេត្តកំពង់ធំ។

តាមប្រភពពត័មានពីសមត្ថកិច្ចបានអោយដឹងថា ជនរងគ្រោះឈ្មោះ  ហែម ភាព ភេទប្រុស អាយុ៥៤ឆ្នាំ(ស្លាប់)ទីលំនៅភូមិបាក់ស្នាលើ  ឃុំបាក់ស្នា ស្រុកបារាយណ៍  ខេត្តកំពង់ធំ;  ទី២ឈ្មោះ  ឃាន  ចាំង ភេទប្រុស អាយុ៤៨ឆ្នាំទីំនៅ  ភូមិ ឃុំជាមួយគ្នាអាការ:ធ្ងន់ធ្ងរ។

 ចំណែកបងប្អូនជនរងគ្រោះបានឱ្យដឹងថា មុនពេលកើតហេតុជនរងគ្រោះពួកគាត់បានទៅជំរះស្មៅក្នុងចំការដំឡូងមីពេលឈប់សម្រាកពួកគាត់នាំគ្នាដើរក្បែរមាត់ស្រះក៍ប្រទះឃើញត្រីក្រពតមួយថង់តូចមានកំពត ចំនួនបួនដប់តែប៉ុណ្ណោះ ដែលគេបោះចោលក៍ពួកគាត់បានរើសយកមកដុតក្លែមមស្រាសរ។ពួកគាត់បានបញ្ជាក់ថា ក្នុងការចំអិនត្រីក្រពតនេះទាំងអស់មានគ្នា៤នាក់តែ២នាក់មិនចេះហូបទេ  ចេះហូប តែ២នាក់សុកចិត្តហូបស្រាមិនក្លែម។មួយសន្ទុះក្រោយមកជនរងគ្រោះស្រាប់តែមានអាការ:ក្អួតចង្អោទន់ដៃទន់ជើង ឃើញសភាពបែបនោះ បងប្អូនបានដឹកយកមកសង្រ្គោះនៅមន្ទីពេទ្យបង្អែកស្រុកបារាយណ៍ សន្ទុក  មកដល់មន្ទីពេទ្យ រយ:ប្រហែលមួយម៉ោង ជាអកុសលជនរងគ្រោះម្នាក់បានស្លាប់បាតទៅហើយ។នៅសល់តែម្នាក់ទៀតត្រូវបានបងប្អូនដឹកយកទៅសង្រ្គោះនៅមន្ទីពេទ្យក្រុងភ្នំពេញ រហូតមកដល់ពេលនេះមិនដឹងមាន វាសនាយ៉ាងណានោះទេ ។

សពជនរងគ្រោះដែលស្លាប់នោះត្រូវបានបងប្អូនយកទៅធ្វើបុណ្យតាមប្រពៃណី ៕  ប៊ុន រិទ្ធី