ភ្នំពេញ៖ លោកប៉ា សុជាតិវង្ស អភិបាលរាជធានីភ្នំពេញ បានដឹកនាំគណៈប្រតិភូចំនួន២២រូប ទៅចូលរួមចុះហត្ថលេខាលើកិច្ចព្រមព្រៀងចងសម្ព័ន្ធមេត្រីភាព ជាមួយទីក្រុងប៉ារីស ប្រទេសបារាំង ក្រោយពីចុះហត្ថលេខាចងសម្ព័ន្ធមេត្រីភាព គណៈប្រតិភូក៏បានបន្ដដំណើរ ទៅចូលរួម មហាសន្និបាតលើកទី៣៥ នៃសមាគម អភិបាលក្រុង និយាភាសាបារាំង Association Internationale des Maires Francophones (A I M F) និងកិច្ចប្រជុំគណៈកម្មាធិការកណ្ដាលរបស់(A I M F) នៅទីក្រុងទុយនីយ នៃប្រទេសទុយនីយស៊ី ចាប់ពីថ្ងៃទី០២ ដល់១១ ខែតុលា ឆ្នាំ២០១៥ ។ នេះបើតាមការបញ្ជាក់ឲ្យដឹងពីលោកឡុង ឌីម៉ង់ នាយករងរដ្ឋបាល និងជាអ្នកនាំពាក្យសាលារាជធានីភ្នំពេញ កាលពីរាត្រីថ្ងៃទី០១ ខែតុលា ឆ្នាំ២០១៥នៅអាកាស យានដ្ឋានអន្ដរជាតិភ្នំពេញ ។
លោក ឡុង ឌីម៉ង់ បានបញ្ជាក់ថា៖ គណៈប្រតិភូសាលារាជធានីភ្នំពេញចំនួន២២រូប ដឹកនាំដោយលោកប៉ា សុជាតិវង្ស ទៅចូលរួមចុះហត្ថលេខាចងសម្ព័ន្ធមេត្រីភាព ជាមួយទីក្រុងប៉ារីស ប្រទេសបារាំង នេះ គោលបំណង ទីមួយគឺបន្ដរឹតចំណងលើកិច្ចសហប្រតិបត្ដិការកសាងហេដ្ឋារចនាសម្ព័ន្ធ ។ ទីពីរ បន្ដពង្រឹង អនុវត្ដការងារ នគរូបនីយកម្ម សំណង់ ការងារសាធារណៈការ, ប្រពន្ធ័លូ ,ប្រព័ន្ធទឹកស្អាត និងទីបីបន្ដពង្រឹងអនុវត្ដការងារគម្រោងផ្លង់គោលរាជធានីភ្នំពេញ, ការងារគមនាគមន៏ដឹកជញ្ជូន និងការងារកែលម្អប្រពន្ធ័ចរាចរណ៏ , ការងាររៀបចំសណ្ដាប់ធ្នាប់នៅលើចិញ្ចើមផ្លូវ ជាដើម ។
លោកបន្ដថា៖ ក្រោយពីគណៈប្រតិភូបានចុះMOU និងជូបអភិបាលក្រុងប៉ារីស ដើម្បីពិភាក្សាការងារផ្លាស់ប្ដូរបទពិសោធន៏ពីគ្នាទៅវិញទីមក ក្នុងលើកិច្ចព្រមព្រៀង ដែលបានគ្រោងទុកនោះរួចទៅ គណៈប្រតិភូក៏បានបន្ដដំណើរទៅចូលរួម មហាសន្និបាតលើកទី៣៥ នៃសមាគម អភិបាលក្រុង និយាភាសាបារាំង Association Internationale des Maires Francophones (A I M F) និងកិច្ចប្រជុំគណៈកម្មាធិការកណ្ដាលរបស់(A I M F) នៅទីក្រុងទុយនីយ នៃប្រទេសទុយនីយស៊ី ចាប់ពីថ្ងៃទី០២ ដល់១១ ខែតុលា ឆ្នាំ២០១៥ ។
លោកបានរំលឹកថា៖ ទីក្រុងប៉ារីស ប្រទេសបារាំង បានជួយស្ថាបនា កសាងហេដ្ឋារចនាសម្ព័ន្ធ ដល់ ទីក្រុងភ្នំពេញបានយ៉ាងច្រើន ដូចជាជួយកសាងប្រព័ន្ធទឹកស្អាត, ជួយកសាងសំណង់, ប្រព័ន្ធគមនាគមន៏ ប្រពន្ធ័ចរាចរណ៏ ,ប្រព័ន្ធសេវាដឹកជញ្ជូន ,ការងារបរិស្ថាន , ការងាររៀបចំសហគមន៏, ការងាររៀបចំអនា ម័យបរិស្ថាន នៅតាមសហគមន៏ ដូចជាជួយជីកអណ្ដូងទឹកស្អាត នៅតាមសាលារៀន និងជួយផ្ដល់នូវ បរិក្ខាពេទ្យ នៅតាមមណ្ឌលសុខភាព និងជួយលើវិស័យ ហេដ្ឋារចនាសម្ពន្ធ័ ជាច្រើនទៀត ដល់សហគមន៏ នៅរាជធានីភ្នំពេញ ៕
ដោយ៖ សំរិត
