ភ្នំពេញ ៖ ជនសង្ស័យជាអ្នកជួញដូរគ្រឿងញៀនវ័យក្មេងម្នាក់ត្រូវបានកម្លាំងនគរបាលធ្វើការឃាត់ខ្លួនកាលពីវេលាម៉ោង១និង៣០នាទីរំលងធ្រាតឈានចូលថ្ងៃទី២៩ខែមិថុនាឆ្នាំ២០១៧នៅចំណុចផ្លូវR6 ជាប់និងផ្លូវរថភ្លើង សង្កាត់ស្រះចក ខណ្ឌដូនពេញ និងដកហូតថ្នាំញៀនចំនួន២៥កញ្ចប់តូច។
ជនសង្ស័យឈ្មោះហ៊ុយភារា ហៅអាពេជ្រ ភេទប្រុសអាយុ១៤ ឆ្នាំ មុខរបជួញដូរថ្នាំញៀន ស្នាក់ម្តុំបឹងកក់ ខណ្ឌទួលគោក។
សមត្ថកិច្ចបានអោយដឹងថានៅមុនពេលកើតហេតុ កម្លាំងល្បាតខណ្ឌបានចុះល្បាតក្នុងមូលដ្ឋានខណះដល់ចំណុចកើតហេតុក៏ឃើញជនសង្ស័យកំពុងឈកន្លែងងងឹតទើបសមត្ថកិច្ចហៅឆែកឆេដងខ្លួនរកឃើញថ្នាំញៀនចំនួន២៥កញ្ចប់ដែលជនសង្ស័យលាក់ទុកក្នុងកញ្ចប់បារីទើបសមត្ថកិច្ចឃាត់ខ្លួនតែម្តង។
នៅចំពោះមុខសមត្ថកិច្ចជនសង្ស័យបានសាភាពថាខ្លួនបានយកថ្នាំញៀនទាំងនេះមកលក់ជាញកញាប់ផងដែរក្នុងមួយកញ្ចប់តម្លៃ៥ដុល្លារ។
ក្រោយពីការឃាត់ខ្លួនជនសង្ស័យត្រូវបានសមត្ថកិច្ចបញ្ជូនទៅអធិការនគរបាលខណ្ឌដូនពេញរងចាំចាត់ការតាមផ្លូវច្បាប់៕
