ខេត្តព្រះសីហនុៈ បុរសម្នាក់ដែលគេស្គាល់ថា ជាជាងធ្វើផ្ទះបានស្លាប់ភ្លាមៗនៅនឹងកន្លែងកើតហេតុបន្ទាប់ពី ត្រូវបានរថយន្តដឹកកាកស្រាបៀរ បុកកាលពីវេលាម៉ោង១៧និង០០នាទីល្ងាចថ្ងៃទី២៨មិថុនាឆ្នាំ២០១៧នៅចំនុចមន្ទីរ៉ែនិង ថាមពល ស្ថិតក្នុងភូមិ០១សង្កាត់លេខ០១ក្រុងព្រះសីហនុ។

 យោងតាមប្រភព ពីសមត្ថកិច្ចចរាចណ៏អោយដឹងជំហានតំបូងនៅកន្លែងកើតហេតុថានៅវេលាម៉ោងកើតហេតុខាង លើមានករណីគ្រោះថ្នាក់ចរាចរណ៏មួយកើតឡើងបង្ករអោយមនុស្សបានស្លាប់នៅនឹងកន្លែងកើតហេតុបន្ទាប់ពីត្រូវបានរថយន្ត ហ៊ីយ៉ាន់ដាយពណ៏សពាក់ស្លាកលេខ ព្រះសីហនុ 3A 2528 បើកបរដោយយុវជនម្នាក់ មិនស្គាល់អត្តសញ្ញាណ(រត់គេចខ្លួនក្រោយកើតហេតុ) ហើយទុករថយន្តអោយបុរស់ម្នាក់ធ្វើការជាមួយគ្នាមកបើកយកទៅផ្ទះថៅកែ ត្រូវបានសមត្ថកិច្ចឃាត់ខ្លួននៅជិតមួយម៉ោងក្រោយកើតហេតុបានបុកម៉ូតូជនរងគ្រោះ ម៉ាកស៊ីរ៉ូសពណ៏ខ្មៅគ្មានស្លាក​លេខបើកបរជនរងគ្រោះឈ្មោះ ប៉ាង មិនហៃ ជនជាតិវៀតណាមភេទប្រុសអាយុ ៣៨ឆ្នាំមានទីលំនៅសង្កាត់​លេខ១​ក្រុងព្រះសីហនមានមុខរបរជាងផ្ទះ។

 ដោយឡែកយោងតាមប្រភពពីសាក្សីនៅក្បែរកន្លែងកើតហេតុបានអោយដឹងថា នៅមុនកើតហេតុគេបានឃើញម៉ូតូជនរងគ្រោះជិះម៉ូតូម្នាក់ឯង ក្នុងទិសដៅចេញពីក្រុងព្រះសីហនុ(ពីលិចទៅកើត)ហើយបានឆ្លងផ្លូវបត់ឆ្វេង ជិតដល់គ្រោះក្រហមទៅហើយស្រាប់តែមានរថយន្តកូរ៉េ២តោនកន្លះពណ៏បើកបរក្នុងទិសដៅចូលក្រុងព្រះសីហនុ(ពីកើតទៅ​លិច)បានបុកម៉ូតូជនរងគ្រោះពេញទំហឹងបណ្តាលអោយជនរងគ្រោះដួលបោកក្បាលទៅនឹងថ្នល់ស្លាប់ភ្លាមៗមួយ​រំពិច។

 ក្រោយកើតហេតុ និងក្រោយការវាស់វែងរួច ម៉ូតូនិង រថយន្តដែលសមត្ថកិច្ចឃាត់បានពីកន្លែងកើតហេតុចម្ងាយជិត៤គីឡូម៉ែត្រ បន្ទាប់ពីតៃកុងរថយន្តព្យាយាមរត់គេចខ្លួន ក្រោយបង្ករគ្រោះថ្នាក់លើផ្លូវជាតិរួចមក ត្រូវបានសមត្ថកិច្ចបញ្ជូនយកទៅរក្សាទុកនៅការិយាល័យចរាចរណ៏ផ្លូវគោក ខេត្ត រងចាំការដោះស្រាយតាមផ្លូវច្បាប់នៅពេលក្រោយ ៕  ឆ្លាម សមុទ្រ