អាមេរិកជាប្រទេសដែលមានជនអន្តោប្រវេសច្រើនជាងគេបំផុត ដោយក្នុងមួយឆ្នាំៗ មាន ជនអន្តោប្រវេសន៍ រាប់សិបមឺននាក់ចូលទៅកាន់ទឹកដីអាមេរិកទាំង ស្រប់ច្បាប់ និងខុសច្បាប់។ នៅពេលនេះជនអន្តោប្រវេសន៍ ខុសច្បាប់អាមេរិក បង្ហាញក្តីបារម្ភយ៉ាងខ្លាំងក្រោយលោកត្រាំ បានឈ្នះក្តីនៅក្នុង ច្បាប់អន្តោប្រវេសន៍ ន៍។
គួររំលឹកថា ក្រឹត្យអន្តោប្រវេសន៍របស់លោកត្រាំ បានបង្កភាពចម្រូងចម្រាសជាខ្លាំង ពិសេសរវាងក្រុមបក្សប្រជាធិបតេយ្យ នៅតាមរដ្ឋនៅឆ្នេរភាគខាងលិច។ ក្រុមប្រឆាំងនឹងក្រឹត្យរបស់លោកដូណាល់ ត្រាំ តវ៉ាថា រដ្ឋាភិបាលរើសអើងអ្នកកាន់សាសនាអ៊ីស្លាម បំពានលើគោលការណ៍រដ្ឋធម្មនុញ្ញ។ ក្រុមប្រឆាំងនឹងក្រឹត្យរបស់លោកត្រាំ សន្យាបន្តចលនាពួកគេតទៅទៀត។ ទោះយ៉ាងនេះក្តី តុលាការកំពូលនឹងធ្វើសវនាការពិនិត្យសំណុំរឿងនេះ នៅខែតុលាខាងមុខ។
កាលពីថ្ងៃទី២៦ខែមិថុនា តុលាការកំពូលអាមេរិកបានអោយលោកដូណាល់ ត្រាំឈ្នះ ដោយបានសម្រេចលុបចោលសេចក្តីសម្រេចរបស់តុលាការជាន់ទាប ដែលបានព្យួរក្រឹត្យអន្តោប្រវេសន៍លោកត្រាំ ក្នុងពេលកន្លងទៅ។ លោកត្រាំបានសំដែងការសប្បាយចិត្ត នឹងជ័យជំនះនេះ។ ទោះយ៉ាងនេះក្តី មានតែខ្លឹមសារមួយចំនួនក្នុងក្រឹត្យអន្តោប្រវេសន៍របស់លោក ត្រាំប៉ុណ្ណោះ ដែលចូលជាធរមាន។ តុលាការកំពូលនឹងធ្វើសវនាការពិនិត្យសំណុំរឿងនេះ នៅខែតុលាខាងមុខ។
លោកដូណាល់ ត្រាំរីករាយខ្លាំងណាស់ ដែលតុលាការកំពូលបានលុបចោលសេចក្តីសម្រេចរបស់តុលាការជាន់ទាប ដែលបានព្យួរក្រឹត្យអន្តោប្រវេសន៍របស់លោក។ លោកដូណាល់ ត្រាំ លើកឡើងថា នេះជាជោគជ័យមួយសម្រាប់ផ្នែកសន្តិសុខជាតិអាមេរិក។ សម្រាប់លោកត្រាំ ក្រឹត្យអន្តោប្រវេសន៍នេះ ជាវិធានការចាំបាច់ ក្នុងការហាមឃាត់មិនអោយភេរវជនបរទេសជាន់ទឹកដីសហរដ្ឋអាមេរិក។
ក្រឹត្យ អន្តោប្រវេសន៍របស់ប្រធានាធិបតីអាមេរិក ចែងហាមហាមឃាត់ពលរដ្ឋប្រទេសកាន់សាសនាអ៊ីស្លាមចំនួន៦ មិនអោយពួកគេចូលក្នុងទឹកដីសហរដ្ឋអាមេរិកបណ្តោះអាសន្ន។ ប្រទេសអ៊ីស្លាមទាំង៦ មានស៊ីរី លីប៊ី អ៊ីរ៉ង់ ស៊ូដង់ សូម៉ាលី និងយេម៉ែន។
ប៉ុន្តែ ខ្លឹមសារក្រឹត្យតែមួយចំណែកប៉ុណ្ណោះ ដែលតុលាការកំពូលអាមេរិកអនុញ្ញាតអោយអនុវត្តន៍។តុលាការកំពូលសម្រេចថា ក្រឹត្យនេះហាមឃាត់តែជនដែលមានគំនិតមិនល្អជាមួយពលរដ្ឋអាមេរិក រឺជាមួយជាតិអាមេរិកប៉ុណ្ណោះ។ និយាយទៅ អាជ្ញាធរអាមេរិកហាមឃាត់បុគ្គលដែលអាមេរិកមិនធ្លាប់ស្គាល់ មិនអោយចូលស្រុកអាមេរិកប៉ុណ្ណោះ។ ដោយឡែក ពលរដ្ឋមកពី៦ប្រទេសអ៊ីស្លាមក្នុងក្រឹត្យនេះ អាចជាន់ដីសហរដ្ឋអាមេរិកបាន ប្រសិនបើពួកគេចង់មកលេងក្រុមគ្រួសារដែលរស់នៅអាមេរិក។ និស្សិតដែលជាប់ឈ្មោះបន្តការសិក្សានៅសកលវិទ្យាល័យអាមេរិក ក៏អាចជាន់ដីអាមេរិកដែរ។ ក្រឹត្យនេះនឹងចូលជាធរមាននៅថ្ងៃព្រហស្បតិ៍សប្តាហ៍នេះ។
នៅខាងភាគីចុងចោទ លោកដូណាល់ ត្រាំបានពន្យល់ថា ក្រឹត្យរបស់លោកត្រូវបានសម្រេចឡើងដោយផ្អែកលើអំណាចប្រធានាធិបតី ដែលមានចែងនៅក្នុងច្បាប់រដ្ឋធម្មនុញ្ញ។ មាត្រាទី២ ក្នុងច្បាប់រដ្ឋធម្មនុញ្ញបានចែងថា ប្រធានាធិបតីមានសិទ្ធិអំណាចក្នុងការសម្រេចចិត្តលើកិច្ចការនយោបាយ ការបរទេស និងនយោបាយអន្តោប្រវេសន៍។ លោកដូណាល់ ត្រាំបានសង្កត់ធ្ងន់ជាពិសេសលើអត្ថបទច្បាប់មួយអនុម័តកាលពី ៦៥ឆ្នាំមុនដែលចែងថា ប្រមុខរដ្ឋមានសិទ្ធិព្យួរការចូលក្នុងទឹកដីអាមេរិកាំងពីសំណាក់ ប្រភេទជនបរទេសនៃប្រទេសមួយចំនួនដែលប្រមុខរដ្ឋយល់ថា ការចូលក្នុងទឹកដីអាមេរិករបស់ប្រភេទជនបរទេសនោះអាចនឹងបង្ក គ្រោះថ្នាក់ដល់ផលប្រយោជន៍របស់អាមេរិក។
ចំណែករដ្ឋបាលរបស់លោកត្រាំបានលើកយកហេតុផលមួយទៀតទៅពន្យល់ចៅក្រម ថា តុលាការមិនសូវមានលក្ខណៈសម្បត្តិគ្រប់គ្រាន់ដើម្បីអាចសម្រេចចិត្ត ក្នុងផ្នែកសន្តិសុខជាតិបានឡើយ។ នៅក្នុងន័យនេះ រដ្ឋបាលរបស់លោកត្រាំចង់និយាយសំដៅលើរូបចៅក្រម James Robart ដែលបានសម្រេចព្យួរក្រឹត្យប្រឆាំងជនអន្តោប្រវេសន៍របស់លោកដូណាល់ ត្រាំ។
នៅខាងភាគីដើមចោទ ពួកគេក៏បានលើកយកច្បាប់រដ្ឋធម្មនុញ្ញទៅសំអាងដោយបញ្ជាក់ថា ក្រឹត្យរបស់លោកត្រាំបានរំលោភបំពានលើគោលការណ៍សំខាន់ៗមួយចំនួនរួម មាន សេរីភាពក្នុងការបម្លាស់ទី សិទ្ធិស្មើគ្នារវាងពលរដ្ឋ ឬមួយការហាមឃាត់មិនឲ្យមានការរើសអើងក្នុងផ្នែកសាសនាជាដើម។ ទន្ទឹមគ្នានេះ ភាគីដើមចោទក៏បានលើកឡើងពីផលវិបាកកើតចេញពីក្រឹត្យប្រឆាំង ជនអន្តោប្រវេសន៍របស់លោកដូណាល់ ត្រាំ ពិសេសក្នុងវិស័យការងារ កិច្ចការជំនួញ ឬមួយក្នុងវិស័យអប់រំ។ នៅចុងបញ្ចប់ ភាគីដើមបណ្តឹងបានព្រមានទុកជាមុនថា បើក្រឹត្យមួយនេះរបស់លោកត្រាំត្រូវបានដាក់ឲ្យអនុវត្តន៍ជាថ្មី នោះវានឹងបង្កឲ្យភាពវឹកវរសាធារណៈ។
ការទទួលជ័យជំនៈរបស់លោកត្រាំគឺជាលើកទីមួយហើយ ដែលលោកត្រាំឈ្នះក្តី ក្នុងតុលាការ ។ កន្លងមក តុលាការសហរដ្ឋ បានសម្រេចក្តីឲ្យលោកត្រាំចាញ់រហូតពាក់ព័ន្ធនិងច្បាប់អន្តោប្រវេសន៍ ។ ការឈ្នះនេះគឺជាជំហានដំបូង ដ៏ល្អសម្រាប់ ប្រធានាធិបតីអនុវត្តនៅគោលនយោបាយរបស់ខ្លួន៕
