ខេត្តស្ទឹងត្រែង៖ ស្ពានអូរខ្សាច់នៅក្នុងឃុំភ្លុកស្រុកសេសានខេត្តស្ទឹងត្រែងប្រជាពលបានធ្វើចរាចរណ៍ឆ្លងកាត់វិញហើយបន្ទាប់ពីមន្ទីរសាធារណៈនិងដឹកជញ្ជូនខេត្តធ្វើកាសាងសង់ថ្មីឡើងវិញ ពីព្រោះស្ពាននេះកាលពីចុងខែឧសភាត្រូវជំនន់ទឹកភ្លៀងហូរកាត់ផ្តាច់អស់រយៈពេលមួយខែកន្លងមកធ្វើឲ្យប្រជាពលរដ្ឋលំបាកជិះទូកឆ្លងអូរ។
លោក សរ គឹមណាត ប្រធានមន្ទីរសាធារណៈការ និងដឹកជញ្ជូនខេត្ត បានបញ្ជាក់ថា៖ ក្រុមការងារបច្ចេកទេស បានប្រឹងប្រែងពន្លឿនការសាងសង់ស្អាននេះប្រើរយៈពេលជិត២០ថ្ងៃ ដើម្បីដោះស្រាយឲ្យប្រជាពលរដ្ឋបានធ្វើចរាចរណ៍ឡើងវិញ ជៀសវាងការជិះទូកឆ្លងព្រែកនៅខែវស្សា នាំឲ្យចំណាយប្រាក់ និងជួបហានិភ័យផ្សេងៗដល់ពួកគាត់ ។
លោកប្រធានមន្ទីរបញ្ចាក់ថា ៖ ស្ពានអូរខ្សាច់ភូមិនេះត្រូវចំណាយថវិកាជាតិទាំងស្រុង ធ្វើការសាងសង់ថ្មីឲ្យធំទូលាយជាងស្ពានចាស់ ហើយជើងគ្រឹះសសរក្រោមបានចាក់បេតុង
ដើម្បីបង្កើនភាពរឹងមាំកុំឲ្យទឹកហូរច្រោះដាច់ដូចស្ពានចាស់ទៀតចំពោះស្ពានឈើនេះយើងឃើញថាវាមានគុណភាពការបច្ចេកទេសមុននឹង វាខុសពីយើងខាងក្រោមអត់បានដាក់បេតុងគ្រឹះទេ យើងពានធ្វើជើងតាងដាក់បេតុងគ្រឹះ ហើយឈើក៏ល្អជាងមុនដែរ ហើយស្ពានមុនគឺមានអាយុកាល៦ទៅ៧ឆ្នាំហើយ អញ្ចឹងយើងបានជួសជុលយើងបើកឲ្យប្រជាពលរដ្ឋធ្វើដំណើរ ធ្វើចរាចរណ៍បានល្អប្រសើរ ដើម្បីមកកាន់ខេត្តស្ទឹងត្រែង ។
លោក ទួន ថាំង មេឃុំ ភ្លុក បានបញ្ជាក់ថាៈ ផ្លូវនិងស្ពានមកកាន់តំបន់នេះមិនមែនសំរាប់តែប្រជាពលរដ្ឋឆ្លងកាត់នោះទេ នៅពេលមានបុណ្យទានឬនៅរដូវប្រាំងភ្ញៀវទេសចរជាតិ និងអន្តរជាតិ បានមកលេងរមណីយ៍ដ្ឋានទេរសចរណ៍បុប្ផាភ្លុកផង ដែរ ។
លោកអះអាងថា៖ក្រោយពីស្ពាននេះត្រូវជំនន់ទឹកភ្លៀងហូរកាត់ផ្តាច់កាលពីយប់ថ្ងៃទី២៤ខែឧសភាមកធ្វើឲ្យប្រជាពលរដ្ឋជួបការលំបាកគ្រប់យ៉ាងទើបពេលនេះបានមន្ទីរសាធារណៈការនិងដឹកជញ្ជូនខេត្តធ្វើការសាងសង់ថ្មីឡើងវិញ បានធំទូលាយជាងមុនស្រួលធ្វើដំណើរ ហើយប្រជាពលរដ្ឋយើងក៍ រួចផុតពីការព្រួយបារម្មណ៍គ្រាន់តែ ស្ពាននេះ ធ្វើហើយប្រជាពលរដ្ឋហ្នឹងអរមែនទែនម្នាក់ៗអបអរសាទរបាននាំគ្នាទៅខេត្តទិញអីៗ ទី១វាជិតដល់រដូវចុះស្រែហើយ ប្រជាពលរដ្ឋគាត់ត្រូវការទិញសម្ភារៈ ប្រើប្រាស់ដូចជាស្អីផ្សេងៗហើយបើសិនធ្វើមិនទាន់វិញ វាពិបាកមែនទែនក្នុងការទៅមក នេះបានក្រុមការងារយើងខ្នះខ្នែងមែនទែនបានធ្វើកុំអីតែទឹកឡើងបន្តិចទៀតមិនអាចធ្វើបានទេ។
លោកឡាយ វ៉ាន់ស៊ីនប្រជាពលរដ្ឋនៅភូមិឃុំនេះដែរបានថ្លែងការសាទរចំពោះអាជ្ញាធរដែលបានរួមគ្នាដោះស្រាយទាន់ពេលវេលា ដឹងអីនៅខែវស្សានេះស្ពានធ្វើមិនកើតប្រជាពលរដ្ឋនិងជួបការលំបាកគ្រប់យ៉ាងជាក់ជាមិនខានឡើយ។
សូមបញ្ជាក់ថា៖ស្ពានអូរខ្សាច់ភូមិនេះកាលពីយប់ថ្ងៃទី២៤ឧសភាឆ្នាំ២០១៧ត្រូវជំនន់ទឹកហូរកាត់ផ្តាច់ដោយសារវាមានសភាពចាស់ទ្រុឌទ្រោមបច្ចុប្បន្នបានសាងសង់ថ្មីមានប្រវែងជាង៤០ម៉ែត្រទទឹង៤.ម៉ែត្រកន្លះស្ថិតនៅក្នុងឃុំភ្លុកស្រុកសេសានខេត្តស្ទឹងត្រែងមានចំងាយប្រមាណ២០គីឡូម៉ែត្តពីទីរួមខេត្តដែលជាស្ពានមួយតភ្ញាប់ផ្លូវទំនាក់ទំនងផ្នែកសេដ្ឋកិច្ចរបស់ប្រជាពលរដ្ឋ ៕ ដោយ មាស សុផាត