ខេត្តកណ្តាល ៖  ជនជាតិខ្មែរអិស្លាម២នាក់ ត្រូវរន្ទះបាញ់ស្លាប់ម្នាក់ និងរបួសធ្ងន់ម្នាក់ នៅសៀលថ្ងៃទី២ ខែ កក្កដា ឆ្នាំ២០១៧វេលាម៉ោង៤និង៤០នាទី នៅតាមមាត់ទន្លេមេគង្គ ស្ថិតក្នុងភូមិកោះរការ ឃុំព្រែកអញ្ចាញ ស្រុកមុខកំពូល ខេត្តកណ្តាល។

ប្រភពនៅកន្លែងកើតហេតុបានអោយដឺងថា មុនពេលកើតហេតុ គេឃើញក្រុមបុរសៗប្រមាណ៦នាក់បាននាំគ្នា ឡើងមកថ្វាយបង្គំព្រះអូឡោះតាមប្រពៃណីទំនៀមទម្លាប់ខ្មែរឥស្លាម ។ ពេលថ្វាយបង្គំរួច ក៏មានភ្លៀងធ្លាក់យ៉ាង ខ្លំាងហើយក្រុមបុរសស្រ្តីជនជាតិខ្មែរអិស្លាមទាំងនោះបាននាំគ្នាជ្រកនៅក្រោមដំបូលតង់មួយកន្លែងដែលគាត់ធ្វើសំរាប់ជ្រកនៅពេលភ្លៀង ស្រាប់តែមានរន្ទះមកបាញ់ចំហ្វូងមនុស្សជាច្រើននាក់ខ្លះដួលសន្លប់ស្តូកស្តឹងគ្រប់គ្នា ។

៥នាទីក្រោយមកគេឃើញបុរសម្នាក់បានដាច់ខ្យល់ស្លាប់និងម្នាក់សន្លប់ ។

ជនរងគ្រោះ(ស្លាប់) ឈ្មោះ  ម៉ិត សូឡេះ អាយុ៥៩ឆ្នាំ មុខរបរនេសាទ ស្នាក់នៅលើទូកតាមមាត់ទន្លេ និងម្នាក់ទៀតឈ្មោះ ម៉ិត សុះយ៉ាន អាយុ៥៧ឆ្នាំ មុខរបរនេសាទ ស្នាក់នៅភូមិកើតហេតុ  ។

បច្ចុប្បន្នក្រុមគ្រួសារបញ្ជូនទៅកាន់មន្ទីរពេទ្យធំនៅទីក្រុងភ្នំពេញនៅពេលនេះមិនដឹងថាស្លាប់ឫរស់យ៉ាងណានៅឡើយទេ ។

ជនរងគ្រោះ (ស្លាប់) មានប្រពន្ធ ឈ្មោះ ឡឺប ម៉ៃយ៉ុម អាយុ៤៤ឆ្នាំ ដោយបន្សុល់ទុកកូន៥នាក់នៅក្នុងបន្ទុក ។ រស់នៅលើទូកបានយកសព្វមកធ្វើបុណ្យតាមប្រពៃណីខ្មែរអីស្លាម នៅភូមិកោះរកា ឃុំព្រែកអញ្ចាញ ស្រុកមុខ កំពូល៕ ឡូ សំអាត