ភ្នំពេញ៖ រថយន្តទូរីសដឹកដែកចងមិនជាប់ដាច់ធ្លាក់ត្រូវរថយន្តដែលបើកនៅពីមុខបណ្តាលអោយបែកកញ្ចក់ផ្នែកខាងក្រោយសំណាងហើយពុំមានអ្នករងរបួស។

ហេតុការណ៍ធ្វេសប្រហេះនេះបានកើតឡើងនៅវេលាម៉ោង៤និង០០នាទីថ្ងៃទី៥ខែក្កដ្តាឆ្នាំ២០១៧នៅចំណុចមុខវត្តទឹកថ្លា ផ្លូវសហព័ន្ធរុស្សីុ ភូមិទឹកថ្លា សង្កាត់ទឹកថ្លា ខណ្ឌសែនសុខ។

អ្នកឃើញហេតុការណ៍បានអោយដឹងថា មុនពេលកើតហេតុមានរថយន្ត១គ្រឿងម៉ាកប៊ុីស៊ុយប៊ុីសុី ព័ណស្កពាក់ស្លាកលេខភ្នំពេញ2O2121ក្នុងទិសដៅពីកើតទៅលិចលុះមកដល់ចំណុចកើតហេតុក៍មានរថយន្ត ទូរីស១គ្រឿងព័ណលឿងពាក់ស្លាកលេខភ្នំពេញ2K0261បើកបរដោយបុរសម្នាក់ពុំស្គាល់អត្តសញ្ញាណក្នុងទិសដៅស្របគ្នាពីកើតទៅលិចដោយមានដឹកដែកទីបជ្រុងចងលើដំបូលរថយន្ត
ពេលនោះរថ​​យន្តប៊ុីស៊ុយប៊ុីសុី បានបន្ថយល្បឿន
ដោយស្ថានភាពផ្លូវបំបែកមានយាន្តជំនិះឆ្លងកាត់ច្រើនស្រាប់តែរថយន្តទូរីសក៍ចាប់ហ្វាំងដែធ្វើអោយដែកដែលចងលើដំបូលរថយន្តទូរីសនោះរបូតធ្លាក់មកត្រូវរថយន្តដែលបើកពីមុខបណ្តាលអោយបែកកញ្ចក់ផ្នែកខាងក្រោយតែមិនមានអ្នករងរបួសនោះទេ។

សមត្ថកិច្ចដែលចុះទៅដល់កន្លែងកើតហេតុបាននិយាយថាមូលហេតុដែលនាំអោយមានករណីនេះកើតឡើងគឺដោយសារតែអ្នកបើកបររថយន្តទូរីសខ្វះការប្រុងប្រយ័ត្នមិនព្រមចងដែកនោះអោយជាប់។

ក្រោយកើតហេតុអ្នកបើកបររថយន្តទូរីសបានធ្វើការសម្របសម្រួលជាមួយម្ចាស់រថយន្តរងគ្រោះដោយចេញថ្លៃជុសជុលជាទឹកប្រាក់ចំនួន៨០០ដុល្លាដើម្បីបញ្ចប់រឿង៕ តុង សីហា