ភ្នំពេញ៖ យុវជនម្នាក់បានស្លាប់បាត់បង់ជីវិតយ៉ាងអាណោចអាធ័ម ខណៈបើកបរម៉ូតូម៉ាកស៊ុយសុីគីនិច ធ្វើដំណើរតាមដងផ្លូវ ហើយត្រូវរថយន្តបែនដឹកដី បើកបុកពីក្រោយយ៉ាងពេញទំហឹង ។

ករណីនេះបានកើតឡើងកាលពីវេលាម៉ោង៧និង១០នាទីព្រឹក ថ្ងៃទី១៤ ខែកក្កដា ឆ្នាំ២០១៧ ស្ថិតនៅបណ្តោយផ្លូវបេតុងវត្តសំរោងអណ្តែត ភូមិរោងចក្រ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។

សមត្ថកិច្ចបានោយដឹងថាអ្នកបើកបរឈ្មោះ ភ័ណ្ឌ ធារ៉ា ភេទប្រុសអាយុ២១ឆ្នាំបច្ចុប្បន្នស្នាក់នៅភូមិត្រពាំងស្វាយ សង្កាត់ភ្នំពេញថ្មី និងមានស្រុកកំណើតភូមិត្រពាំងពោធិ៍ ឃុំឪឡោក ស្រុកអង្គស្នួល ខេត្តកណ្តាល។ ចំណែកយុវជនរងគ្រោះនៅមិនទាន់ស្គាល់អត្តសញ្ញាណទេគ្រាន់តែដឹងថាមានភិនភាគពាក់អាវយឺតដៃខ្លីព័ណខៀវ(អាវកីឡា) ស្លៀកខោជើងវែងព័ណគគី មានពាក់ម៉ាស់ និងពាក់ស្បែកជើផ្ទាត់។ សមត្ថកិច្ចកំពង់ស្រាវជ្រាវ។

ប្រភពពីកន្លែងកើតហេតុបានអោយថឹងថាមុនពេលកើតហេតុគេឃើញជនរងគ្រោះជិះម៉ូតូ១គ្រឿងម៉ាកស៊ុយសុីគី និច ព័ណសពាក់ស្លាកលេខភ្នំពេញ1FA8575បើកបរក្នុងទិសដៅពីលិចទៅកើតលុះមកដល់ចំណុចកើតហេតុក៍មានរថយន្តបែនដឹកដី១គ្រឿងម៉ាកហុីណូព័ណសពាក់ស្លាកលេខភ្នំពេញ3D2190បើកមកពីក្រោយបុកកិនពេញទំហឹងបណ្តាលអោយកិនជនរងគ្រោះស្លាប់បាត់បង់ជីវិតយ៉ាងអាណោចអាធ័មតែម្តងចំណែកម៉ូតូជនរងគ្រោះគៀបជាប់ក្រោមរថយន្ត .

ប៉ូលិសនិយាយថា គ្រោះបង្ករឡើងដោយសារតែអ្នកបើកបរបិទបាំងវាំងនននៅកញ្ចក់មុខរថយន្តមើលផ្លូវមិនឃើញ រួមផ្សំនឹងការធ្វេសប្រហែសផង។

ក្រោយកើតហេតុ នគរបាលចរាចរណ៍ខណ្ឌសែនសុខបានចុះដល់កន្លែងកើតហេតុ និងឃាត់ខ្លួនជនបើកបររថយន្តបង្កផងដែរ ទើបប្រគល់រថយន្តបង្កនិងម៉ូតូរួមទាំងអ្នកបើកបរអោយទៅគរបាលចរាចរណ៍ផ្លូវគោករាជធានីដោះស្រាយនៅពេលក្រោយ៕ តុង សីហា