ខេត្តព្រៃវែង  ៖ តាមរយៈសារព័ត៌មាន នគរវត្ត និង នគរដ្រេហ្គន លោក ទូច វណ្ណះ ភ្នាក់ងារយក ព័ត៌មានប្រចាំខេត្តកំពង់ចាម និងខេត្តត្បូងឃ្មុំ នៅថ្ងៃទី១៣ ខែកក្កដា ឆ្នាំ២០១៧ បាននាំយកនូវអំណោយដ៏ថ្លៃថ្លារបស់លោក ឧកញ៉ា ធី ឬទ្ធសី និងលោកជំទាវ ព្រមទាំងបុត្រ ទៅចែកជូន លោក សារាវន្ត រស់នៅភូមិ ស្វាយ៣០ ស្រុកបាភ្នំ ខេត្តព្រៃវែង (ភ្នំឈើកាច់) ដែលជាអតីតយោធិន ។

បច្ចុប្បន្នលោក​កំពុងធ្លាក់ខ្លួនពិការ ដោយសារជំងឺលើសឈាម និងមានកូនតូចៗ២នាក់ក្នុងបន្ទុក  ។

អំណោយដែលយកទៅចែកជូនរួមមាន ៖ អង្ករ៥០គីឡូក្រាម, ស្កសរ១គីឡូក្រាម, ទឹកត្រី១យួរ, ទឹកស៊ីអ៊ីវ១យួរ , ប៊ីចេងកន្លះគីឡូក្រាម, អំបិល១កញ្ចាប់ ។

ក្នុងឱកាសនោះ លោក ទូច វណ្ណៈ ក៏ដូចជាក្រុមគ្រួសារយោធិនពិការ ក៏សូមអរគុណចំពោះទឹក ចិត្តសប្បុរសធម៌លោកឧកញ៉ា និងក្រុមគ្រួសារ ជួបតែពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕  វណ្ណៈ