ខេត្តតាកែវ ៖ បុរស២ នាក់ត្រូវបានកម្លាំងសមត្ថកិច្ចធ្វើការឃាត់ខ្លួនក្នុងករណីប្រើប្រាស់គ្រឿងញៀន ដែលហេតុការណ៍ឃាត់ខ្លួនខាងលើនេះធ្វើឡើងនៅថ្ងៃទី១៧ ខែ កក្កដា ឆ្នាំ២០១៧ វេលាម៉ោង៧និង៥០នានាទីស្ថិតនៅចំណុចភូមិកំពង់ឃុំព្រះបាទជាន់ជុំស្រុកគិរីវង់ខេត្តតាកែវ ។
យោងតាមរបាយការណ៍របស់អធិការដ្ឋាននគរបាលស្រុកគិរីវង់បានអោយដឹងថា កម្លាំងជំនាញអធិការដ្ឋាន បានធ្វើការសហការជាមួយកម្លាំងប៉ុស្ត៏នគរបាលឃុំព្រះបាទជាន់ជុំ បានចុះបង្រ្កាបករណីប្រើប្រាស់សារធាតុញៀនខុសច្បាប់បានចំនួន ០២ នាក់ដែល ទី១ ឈ្មោះវ៉ាង បណ្ឌិត ភេទ ប្រុស អាយុ៣៥ឆ្នាំមានទីលំនៅភូមិកំពង់ឃុំព្រះបាទជាន់ជុំស្រុកគិរីវង់ខេត្តតាកែវ និងទី ២ ឈ្មោះ អ៊ុំ សុខគា ភេទប្រុស អាយុ៣២ឆ្នាំ រស់នៅភូមិ ឃុំ ជាមួយគ្នា។
ក្នុងហេតុការណ៍បង្រ្កាបនេះផងដែរសមត្ថកិច្ចបានធ្វើការដកហូតវត្ថុតាងមាន ឧបករណ៍សំរាប់ប្រើប្រាស់មួយចំនួន។ បច្ចុប្បន្នកម្លាំងជំនាញកំពុងកសាងសំណុំរឿងតាមនិតិវិធី ៕ ភ្នំដា
