ខេត្តត្បូងឃ្មុំ ៖ កម្លាំងនគរបាលក្រុងសួងបានធ្វើការឃាត់ខ្លួនជនសង្ស័យម្នាក់ រួមជាមួយថ្នាំញៀនជាច្រើនកញ្ចប់ ធ្វើឡើងនៅចំណុចភូមិជុបទី១ ឃុំជុប ស្រុកត្បូងឃ្មុំ ខេត្តត្បូងឃ្មុំ កាលពីថ្ងៃទី២៨ ខែកក្កដា ឆ្នាំ២០១៧ វេលាម៉ោង៣និង៣០នាទី ។

សមត្ថកិច្ចបានឲ្យដឹងថា ជនសង្ស័យនេះ ឈ្មោះ ឡាច សុខម៉ាច ភេទប្រុស អាយុ២០ឆ្នាំ រស់នៅភូមិ ត្រពាំងក្រពើ ឃុំមង់ រៀវ ស្រុកត្បូងឃ្មុំ  ខេត្ត ត្បូងឃ្មុំ ។

ជននេះបានឲ្យដឹងថា ថ្នាំញៀន១កញ្ចប់នេះគឺជារបស់ឈ្មោះ ហេង ចាន់លាង ភេទប្រុស អាយុ២០ឆ្នាំ រស់នៅ ភូមិវាលកណ្តៀង ឃុំជុប ស្រុកត្បូងឃ្មុំ ខេត្តត្បូងឃ្មុំ ឲ្យខ្លួនយកមកឲ្យ ។

តាមចម្លើយសារភាពពីជនសង្ស័យខាងលើនេះ ទើបកម្លាំងសមត្ថកិច្ចសុំការអនុញ្ញាតពីលោក ជេត ខេមរា ព្រះ រាជអាជ្ញារង និងលោក ហុង ណាក់ ស្នងការរងប្រឆាំបទល្មើស បន្តចុះឆែកឆេរនៅចំណុចរោងចិញ្ចឹមមាន់ ឈ្មោះ ហេង ចាន់លាង តែជននេះបានរត់គេចខ្លួនបាត់ ក្នុងនោះកម្លាំងរកឃើញថ្នាំញៀនចំនួន២០កញ្ចប់ និងថ្នាំប្រភេទWYចំនួន ៣៤កញ្ចប់ ៕ វណ្ណះ