ខេត្តពោធិ៍សាត់៖ បុរសវ័យកណ្ដាលម្នាក់ក្នុងចំណោម ៣នាក់ត្រូវបានគេអះអាងនាំគ្នាចូលព្រៃក្នុងគោលបំណងទៅដើររកឃ្មុំ ខណៈនោះគាត់បានប្រទះឃើញសត្វពស់ ១ក្បាលធំស្មានថាពស់សង់សឿក៍ស្ទុះទៅចាប់ ចៃដន់ក៍ត្រូវពស់ខាំចំខ្នោងចុកស្លាប់ ខណៈមានការយឺយាវក្នុងការបញ្ជូនជនរងរបួសមកជួយសង្រ្គោះ។
ហេតុការណ៍ខាងលើបានបង្កការភ្ញាក់ផ្អើលឡើងកាលពីវេលាម៉ោង៨ និង០០នាទីព្រឹក ៣០ ខែកក្កដា ឆ្នាំ២០១៧ នៅក្នុងព្រៃភ្នំត្រង់ចំណុចភ្នំអន្លង់ធ្នង់ ស្ថិតក្នុងភូមិអន្សាចំបក់ ឃុំស្វាយស ស្រុកក្រគរ ខេត្តពោធិ៍សាត់។
លោក វរសេនីយ៍ត្រី ឯម រុន អធិការនគរបាលនៃដ្ឋាននគរបាលស្រុកក្របានឲ្យដឹងថា ជនរងគ្រោះឈ្មោះ ឈន ធុល ភេទប្រុស អាយុ ៤៨ឆ្នាំ ជនជាតិខ្មែរ មានប្រពន្ធឈ្មោះ ក្រិច កឿន អាយុ ៤១ឆ្នាំ និងកូនស្រីប្រុសចំនួន ៣នាក់ បច្ចុប្បន្ន រស់នៅភូមិទៀនព្រៃ ឃុំឈើតុំ ស្រុកក្រគរ ខេត្តពោធិ៍សាត់។
លោក វរសេនីយ៍ត្រី ឯម រុន អធិការនគរបាលនៃអធិការដ្ឋាននគរបាលស្រុកក្រគរបន្តថា ជនរងគ្រោះបានចេញដំណើរទៅដើររកសត្វឃ្មុំមានគ្នាចំនួន ៣នាក់ លុះនាំគ្នាដើរដល់កន្លែងកើតហេតុបានបំបែកផ្លូវគ្នាដើម្បីរកសត្វឃ្មុំ ខណៈនោះបុរសរងគ្រោះបានប្រទះឃើញសត្វពស់ ១ក្បាលធំបុិនកំដៃ ក៍ស្ទុះទៅចាប់កន្ទុយទើបបកខាំចំខ្នោងដៃស្ដាំ ជនរងគ្រោះបន្តចាប់សត្វពស់ ១ក្បាលនេះរហូតទាលតែបានដាក់ចូលការរ៉ុងរួចរាល់ ទើបស្រែកហៅបក្សពួក ២នាក់មកប្រាប់ថាខ្លួនចាប់សត្វពស់បាន ១ក្បាល ប៉ុន្តែពួកគាត់មិនបានចាប់អារម្មណ៍ និងគិតថាសត្វពស់ ១ក្បាលនេះមានពឹសទាល់តែសោះ ព្រោះពួកគាត់គិតថាពស់នេះគឺពស់សង់សឿវាគ្នានពឹស់ទេ លុះក្រោយមកក៍ចាប់ផ្ដើមចុកជាបណ្ដើរៗទើបនាំគ្នាមកផ្ទះ និងរៀបចំចាត់ចែងបញ្ជូនជនរងគ្រោះ ទៅមណ្ឌលសុខភាពឃុំឈើតុំដើម្បីជួយសង្រ្គោះ ប៉ុន្តែជាអកុសល់ពឹស់សត្វពស់បានជ្រៀបសព្វសាច់ពេញខ្លួនប្រាណអស់ទៅហើយ ទើបមិនអាចជួយបានក៍ដាច់ខ្យល់ស្លាប់គួរឲ្យអាណោចអាធ័មបែបនេះ។
លោក អធិការនគរបាលនៃអធិការដ្ឋាននគរបាលស្រុកក្រគរបន្តទៀតថា ក្រោយកើតហេតុមន្រ្តីជំនាញចុះដល់ផ្ទះជនរងគ្រោះដើម្បីពិត និងធ្វើការស្រាវជ្រាវចាប់យកវត្ថុតាង លទ្ធផល៖ ឃើញថាសាកសពជនរងគ្រោះពុំមានស្លាកស្នាមអ្វីគួរឲ្យសង្ស័យជាប់ពាក់ព័ន្ធក្នុងករណីឃាតកម្មនោះទេ ទើបជំនាញធ្វើកំណត់ហេតុប្រគល់សាកសពជូនក្រុមគ្រួសារសាច់ញាតិយកទៅចាត់ចែងធ្វើបុណ្យតាមប្រពៃណីខ្មែរ។
លោក បញ្ជាក់បន្ថែមបន្តទៀតថា មូលហេតុដែលធ្វើឲ្យជនរងគ្រោះថ្នាក់ស្លាប់ទៅបានបែបនេះក៍វាសមហេតុផលនោះដែរ ត្រង់ពួកគាត់មិនចាប់អារម្មណ៍ពាក់ព័ន្ធសត្វពស់មានពឹស និងគ្មានពឹសនោះ ព្រោះអាយុគាត់បុិននេះហើយៗនៅតំបន់ព្រៃភ្នំទៀតគាត់ពិតជាស្គាល់ណាស់សត្វពស់ ប៉ុន្តែលោកសូមអំពាវនាវឲ្យពលរដ្ឋគ្រប់រូបប្រុងប្រយ័ត្នជានិជចំពោះសត្វពស់ទាំងធស់ ហើយសត្វពស់នេះវាអាចជាសត្វពស់សង់សឿពិតប្រាកដ តែកុំភ្លេចថាសត្វពស់នានាវាមានកូនកាត់ហើយវាសាហាវណាស់៕ បឹុម ពិន
