ខេត្តកណ្តាល៖ មានករណីគ្រោះថ្នាក់ចរាចរណ៍បង្ករឡើងដោយរថយន្តសាមុយ(គ្លីនិកតែវណ្ណា)បើកបុកម៉ូតូCityសណ្តោងរុឺម៉ក(តុកៗ)បណ្តាលអោយមនុស្សនាក់៣បានស្លាប់ភ្លាម ក្នុងនោះមានស្រីនាក់ និងមនុស្សស្រី២នាក់ទៀតរបួសធ្ងន់។
សមត្ថកិច្ចនគរបាលចរាចរណ៍បានអោយដឹងថា៖ ហេតុការណ៍នេះបានកើតឡើងកាលពីវេលាម៉ោង៥និង១៥នាទីព្រឹកថ្ងៃទី១៣ ខែសីហា ឆ្នាំ២០១៧ នៅចំណុចភូមិឃ្លាំងស្បែក ឃុំកំពង់ហ្លួង ស្រុកពញាឮ ខេត្តកណ្តាល លើកំណាត់ផ្លូវជាតិលេខ៥ចន្លោះKmលេខ២៩-៣០។ សាក្សីកន្លែងកើតហេតុបានអោយដឹងថា៖ មុនពេលកើតហេតុ មានរថយន្តមួយគ្រឿងម៉ាក ស្តារិច(សាមុយគ្លីនិកតែវណ្ណា) ពណ៌ ស ឆ្នូតក្រហម ពាក់ស្លាកលេខកំពង់ឆ្នាំង២A-១៣១៧ បើកបរក្នុងល្បឿនលឿនទិសដៅពីត្បូងទៅជើង លុះមកដល់កន្លែងកើតហេតុបានបុករុញពីក្រោយម៉ូតូ(តុកៗ)ដែលកំពុងបើកបរស្របទិសគ្នានៅពីមុខពេញទំហឹងក៏បណ្តាលអោយ ស្លាប់មនុស្ស៣នាក់ និងរបួសធ្ងន់២នាក់នៅនិងកន្លែង ហើយអ្នកបើកបរបង្កហេតុរត់គេចខ្លួនបាត់។
សមត្ថកិច្ចបានបញ្ជាក់ថា៖ ជនរងគ្រោះជាម្ចាស់រុឺម៉កបានស្លាប់ឈ្មោះពៅ មារីន ភេទប្រុស អាយុ៤២ឆ្នាំ មានទីលំនៅភូមិទួលអំពិល ឃុំពញាឮ ស្រុកពញាឮ ខេត្តកណ្តាល។ ដោយឡែកអ្នករួមដំណើររួមមានឈ្មោះ ១-យី សុភក្រ័ ភេទ ស្រី អាយុ ៣៨ឆ្នាំ (ស្លាប់) ២-ឈ្មោះខៃ បញ្ញា ភេទប្រុស អាយុ៤ឆ្នាំ(សា្លប់)
៣-ឈ្មោះខុន សុខលី ភេទស្រី អាយុ៣៥ឆ្នាំ(របួសធ្ងន់) ៤-ជឹម សុណា ភេទស្រី អាយុ៤៦ឆ្នាំ(របួសធ្ងន់) អ្នកទាំងអស់មានទីលំនៅជាមួយគ្នា។
ក្រោយពេលហេតុសមត្ថកិច្ចបានយករថយន្តបង្កហេតុនិងរុឺម៉កមករក្សាទុកនៅអធិការដ្ឋាននគរបាលស្រុក។ ដោយឡែកសពជនរងគ្រោះបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។ សមត្ថកិច្ចបានសន្និដ្ឋានថា៖ ករណីនេះបណ្តាលមកពីរថយន្តបើកបរមានល្បឿនលឿនខ្វះការប្រុងប្រយត្ន័៕

ដោយ៖ ជឺ តុងឡេង