ភ្នំពេញ៖ លោក ហ៊ុន ម៉ានី ប្រធាន សហភាពសហព័ន្ធយុវជនកម្ពុជានិងជាអ្នកតំណាងរាស្ដ្រមណ្ឌលកំពង់ស្ពឺត្រូវ បានមូលនិធិ Gusi Peace Prize ដែល មានមូលដ្ឋាននៅក្នុងទីក្រុងម៉ានីល ប្រទេសហ្វីលីពីនផ្ដល់ពានរង្វាន់ The Gusi Peace Prize ក្នុងចំណោមជនល្បីៗ ចំនួន១៩នាក់លើពិភពលោក ។
យោងតាមគេហទំព័រ The Gusi Peace Prize បង្ហាញថា លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា ទទួលបានពានរង្វាន់ The Gusi Peace Prize ក្នុងចំណោមជនល្បីៗចំនួន១៩ នាក់លើពិភពលោក ។
បណ្ដាជនល្បីៗដែលទទួលពានរង្វាន់ចំនួន១៨នាក់ផ្សេងទៀតមានមកពីអាល្លឺម៉ង់ អូស្ដ្រាលី បង់ក្លាដែស បេឡារូស ចិន ឆេក អូទ្រីស ជប៉ុន កាហ្សាក់ស្ថាន គីហ្ស៊ីស្ថាន ហុល្លង់ ហ្វីលីពីន ព័រទុយ ហ្គាល់ កាតារ រុស្ស៊ី អ៊ុយក្រែន និងសហ រដ្ឋអាមេរិក ។ ជ័យលាភីក្នុងចំណោម ទាំង១៩នាក់នោះមាន លោក Stanislav Shushkevich អតីតប្រធានាធិបតីបេ ឡារូស, លោក Akskar Akayev អតីត ប្រធានាធិបតីគីហ្ស៊ីស្ថាន និងលោក Antonio Eanes អតីតប្រធានាធិបតី ព័រទុយហ្គាល់ផងដែរ ។ ពានរង្វាន់ The Gusi Peace Prize កើតចេញពីមូលនិធិ Gusi Peace Prize ដែលមានមូលដ្ឋាន នៅក្នុងទីក្រុងម៉ានីល ប្រទេសហ្វីលីពីន។
លោក ហ៊ុន ម៉ានី ប្រធានសហភាព សហព័ន្ធយុវជនកម្ពុជានិងជាអ្នកតំណាងរាស្ដ្រមណ្ឌលកំពង់ស្ពឺមកពីគណបក្ស ប្រជាជនកម្ពុជាជាឥស្សរជនទី១របស់ កម្ពុជាដែលបានឈ្នះពានរង្វាន់នេះក្នុង ចំណោមឥស្សរជនចំនួន១៨នាក់លើ ពិភពលោកដែលឈ្នះពាន Gusi Peace Prize ។
យោងតាមព័ត៌មាននៅគេហទំព័រ The Gusi Peace Prize បានឱ្យដឹងថា ពិធីចែករង្វាន់នឹងត្រូវធ្វើឡើងនៅថ្ងៃទី ២៥ ខែវិច្ឆិកា ឆ្នាំ២០១៥ នៅទីក្រុង ម៉ានីល ប្រទេសហ្វីលីពីន ហើយលោក ហ៊ុន ម៉ានី ឈ្នះលើផ្នែក Youth Leader- ship and Humanitarianism and Advocate of Cultural Heritage ។
នៅតាមបណ្ដាញសង្គមហ្វេសប៊ុក មានមនុស្សជាច្រើនម៉ឺននាក់បានសម្ដែង ការអបអរសាទរចំពោះលោក ហ៊ុន ម៉ានី ដែលត្រូវបានមូលនិធិ Gusi Peace Prizeមានមូលដ្ឋាននៅក្នុងទីក្រុងម៉ានីល ប្រទេសហ្វីលីពីនផ្ដល់ពានរង្វាន់ The Gusi Peace Prize ក្នុងចំណោមជនល្បីៗ ចំនួន១៩នាក់លើពិភពលោកដោយពួក គេបានសរសេរថា នេះជាមោទនភាព ដែលយុវជនខ្មែរមួយរូបត្រូវបានមូល និធិ Gusi Peace Prize ផ្ដល់ពានរង្វាន់ The Gusi Peace Prize ក្នុងចំណោម ជនល្បីៗ១៩នាក់លើពិភពលោក ។
ពួកគេបន្ថែមថាពានរង្វាន់នេះស័ក្ដិសមទៅនឹងសកម្មភាពរបស់លោក ហ៊ុន ម៉ានី ជាយុវជនដ៏ឆ្នើមដែលបានចូលរួម គាំទ្រនិងលើកកម្ពស់លើគ្រប់វិស័យនៅក្នុងប្រទេសកម្ពុជាទាំងពុទ្ធចក្រនិងអាណាចក្រនាពេលកន្លងមកដែលមិនបានគិតពីការនឿយហត់ ៕
ដោយ៖ ហេង សូរិយា
