ស្ទឹងត្រែង: ជនជាតិឡាវម្នាក់ និងថ្នាំញៀនជាង២គីឡូក្រាមត្រូវបាននគរបាលប្រឆាំងគ្រឿងញៀនខេត្តចុះបង្ក្រាបចាប់ឃាត់ ខ្លួនបានភ្លាមៗខណ:ជនសង្ស័យកំពង់ធ្វើចរាចរណ៍ថ្នាំញៀន ពីរប្រទេសឡាវចូលមកទឹកដីខ្មែរ ។
ការចុះបង្ក្រាបករណីខាងលើនេះបានធ្វើឡើងកាលពីវេលា
ម៉ោង១៩:២០នាទីយប់ថ្ងៃទី២៤ ខែសីហា ឆ្នាំ២០១៧ ត្រង់ ចំណុចក្រវ៉ាត់ព្រំដែនបង្គោលលាក់ចន្លោះលេខ៣៤និង៣៥
ស្ថិតក្នុងភូមិស្រែសំរោង ឃុំស្រែសំបូរ ស្រុកសៀមប៉ាង
ខេត្តស្ទឺងត្រែង។
ជនសង្ស័យដែលឃាត់ខ្លួនឈ្មោះ ផែង ផាន់ណាង៉ៅ អាយុ៥០ឆ្នាំ ជនជាតិឡាវ មុខរបរកសិករ មានស្រុកកំណើតនៅភូមិណាចាន ស្រុកសុកូម៉ា ខេត្តចំប៉ាសាក់ ប្រទេសឡាវ។
ក្រោយការឃាត់ខ្លួនសមត្ថកិច្ចដកហូតបានថ្នាំញៀនប្រភេទម្សៅគ្រាមពណ៍សរថ្លាមេតំហ្វេតាមីន ice ចំនួន០២កញ្ចប់ធំ ដែលមានទម្ងន់សរុប២១២៥.៥ក្រាម(សាច់ថ្នាំញៀនសុទ្ធ)។
បច្ចុប្បន្ន ជនសង្ស័យរួមទាំងវត្ថុតាងត្រូវបានសមត្ថកិច្ចបញ្ជូនមកកាន់ស្នងការដ្ឋាននគរបាលថខេត្តដើម្បីសួរនាំបន្ថែមនិងកសាងសុំណុំរឿងបញ្ជូនខ្លួនបន្តទៅកាន់តុលាការចាត់ការទៅតាមនីតិវិធី ៕ មាស សុផាត
