ខេត្ដឧត្ដរមានជ័យ៖ គ្រួសារក្រីក្រ មួយរស់នៅក្នុងភូមិទួលចារថ្មី ឃុំទំនប់ ដាច់ ស្រុកត្រញំងប្រាសាទ ខេត្ដឧត្ដរ មានជ័យបានសម្រាលកូនប្រុសភ្លោះ៣ នាក់ប្រកបដោយជោគជ័យនិងមានសុខភាពល្អទាំងម្ដាយនិងកូនកាលពីវេលា ម៉ោង៤ទៀបភ្លឺថ្ងៃទី៩ ខែតុលា ឆ្នាំ២០១៥ ដោយពេទ្យឆ្មបដែលប្រចាំការនៅក្នុង មន្ទីរពេទ្យបង្អែកស្រុកអន្លង់វែង ខេត្ដឧត្ដរ មានជ័យ ។
តាមការរៀបរាប់ពីម្ដាយឪពុករបស់ទារកភ្លោះទាំង៣នាក់បានប្រាប់ថា ពួក គាត់បង្កើតបានកូនប្រុសភ្លោះ៣នាក់ជាកូនទី៤ដែលកូនទី១បានកើតមកភ្លាមក៏បានស្លាប់ទៅវិញ ហើយកូនទី២និងទី៣ បានរស់រានមានជីវិតជាធម្មតា ។
បុរសជាប្ដីបានបញ្ជាក់ទៀតថា នៅ មុនមានផ្ទៃពោះកូនប្រុសទាំង៣នាក់នេះពួកគាត់ពុំមានយល់សប្ដអ្វីឡើយ ប៉ុន្ដែ នៅពេលពួកគាត់ដឹងថាប្រពន្ធមានផ្ទៃ ពោះភ្លាមៗរូបគាត់ជាប្ដីបាននាំប្រពន្ធ ទៅពិនិត្យផ្ទៃពោះនៅមន្ទីរពេទ្យបង្អែក ស្រុកអន្លង់វែង ខេត្ដឧត្ដរមានជ័យ និង បានទៅពិនិត្យជាប្រចាំតាមការកំណត់ របស់គ្រូពេទ្យ ។
ដោយឡែកពេទ្យឆ្មបដែលបង្កើត ទារកទាំង៣នាក់បាននិយាយថា ទារក ភ្លោះ៣នាក់នេះមានសុខភាពល្អ រីឯម្ដាយ ក៏មានសុខភាពមាំមួនដែរ ។ ទាំងនេះ ដោយសារតែម្ដាយ និងទារកនៅក្នុងផ្ទៃ ទទួលបានការថែទាំសុខភាពពីក្រុមគ្រូ ពេទ្យជាប្រចាំទើបធ្វើឱ្យសុខភាពម្ដាយ និងទារកមានភាពល្អប្រសើរសម្រាល ប្រកបដោយជោគជ័យពុំមានផលប៉ះ ពាល់ដល់អាយុជីវិតម្ដាយនិងទារកកើតមកគ្រប់លក្ខណៈ ។
ចំណែកបុរសចំណាស់ម្នាក់ដែលជា ជីតាបង្កើតរបស់ទារកភ្លោះ៣ទាំងនាក់ ឈ្មោះ វ៉ើន វ៉ាត អាយុ៥៦ឆ្នាំ ជាមន្ដ្រី យោធាបម្រើការនៅអង្គភាពគ.៤ ផ្នែក សឹងរងស្រុកត្រញំងប្រាសាទបានឱ្យដឹង ថា លោកបានជំរុញឱ្យកូនដែលមានផ្ទៃ ពោះទៅពិនិត្យនៅមន្ទីរពេទ្យជាប្រចាំ។ ទោះបីជាគ្រួសារកូននិងកូនប្រសាគ្មានលុយកាក់ច្រើនក្ដីក៏លោកសុខចិត្ដបេះ បោចផ្ដល់លុយកាក់ដើម្បីឱ្យកូនបានទៅពិនិត្យផ្ទៃពោះនៅមន្ទីរពេទ្យនិងធ្វើទៅ តាមវេជ្ជបញ្ជារបស់គ្រូពេទ្យ ពីព្រោះកូន ស្រីបង្កើតរបស់លោកសម្រាលកូនជា លើកទី១កូនកើតមកបានស្លាប់ភ្លាមៗ ដោយសារតែមិនបានទៅពិនិត្យសុខ ភាពនៅពេលមានផ្ទៃពោះ ៕
ដោយ៖ សហការី
