ដើម្បីការរស់នៅរបស់មនុស្សជំនាន់ក្រោយ ចិនអាច លុបចោល រថយន្តប្រើថាមពលប្រេងសាំង

ចិនគឺជាប្រទេស​ដែលបានបញ្ចេញផ្សេងពុល​ច្រើន​ជាងគេ​នៅលើពិភពលោក ដោយសារតែ​វិស័យឧស្សាហកម្មរបស់ចិនកើតឡើងខ្ពស់​។ នៅពេលនេះដែរ ចិន​បាន​បិទរោងចក្រ​ប្រើប្រាស់ថាមពលធ្យូងថ្មជាច្រើន ដើម្បីកាត់បន្ថយផ្សែងពុលចូលក្នុងបរិយាកាស ។ ក្រៅពីនោះមធ្យោបាយធ្វើដំណើរដូចជា៖ រថយន្ត ក៏បានបញ្ចេញជាតិពុលយ៉ាងច្រើនចូលក្នុងបរិយាកាស។
នៅពេលនេះដែរ ចិន​ក៏បានឡើងគម្រោង ផលិតរថយន្ត ដើរដោយថាមពលអគ្គិសនី ជំនួស រថយន្ត​ដែលដើរដោយថាមពលប្រេងសាំង​។ ចាប់​ពី​ឆ្នាំ​២០០​៤នោះ ចិន​ពេល​នេះ​ក៏​កំពុង​ពិចារណា​ និង​ធ្វើ​ការ​ស្រាវជ្រាវ​លើ​ប្រធានប​ទ​នេះដែរ។ ហើយចិន​នឹង​អាច​ផ្តល់​​កាល​បរិច្ឆេទ ក្នុង​ពេលឆាប់ៗ​ខាង​មុខ​។ នេះ​បើ​តាម​សេចក្តី​ជូន​ដំណឹង​របស់អនុរដ្ឋមន្ត្រី​​ក្រសួង​ឧស្សាហកម្ម​និង​ បច្ចេកវិទ្យា​ព័ត៌មាន​វិទ្យា នៅ​ចំពោះ​មុខ​វេទិកា​រថយន្ត​ក្រុង​ជៀនជិន Tianjin។
សម្រាប់​លោក​រដ្ឋមន្ត្រី​ ជាមួយ​នឹង​វិធានការ​នេះ​ ចិន​នឹង​មាន​ការ​ប្តូរ​ផ្លាស់​ស៊ីជម្រៅ​ខ្លាំង ក្នុង​វិស័យ​បរិស្ថាន​ និង​ឧស្សាហកម្ម​រថយន្ត។ ក្រុមហ៊ុន​ទាំង​ឡាយ​ត្រូវ​បង្ខំ​ចិត្ត​គោរព​តាម​បទ​បញ្ជា ដោយ​ធ្វើប្រឹង​សន្សំ​សំចៃ​ការប្រើរថយន្ត​​ដើរ​ដោយ​ថាមពល​ចាស់ (ប្រេង) និង​ងាក​ទៅ​អភិវឌ្ឍន៍​​​រថយន្ត​​ប្រើ​ថាមពល​ស្អាត។
ថ្វី​បើ​ចិន​ពុំ​ទាន់​កំណត់​ពេល​វេលា​ហាមឃាត់​បានមែន​ ប៉ុន្តែ​ដំណឹង​នេះជា​តំណាង​មហិច្ឆតា​ដ៏​ធំ​ដែល​រដ្ឋាភិបាល​ត្រូវ​ជំនះ​ឱ្យ​ បាន ៖ ចិន​ជា​ទីផ្សារ​រថយន្ត​លំដាប់​លេខ​មួយ​នៅ​លើ​ពិភពលោក ដោយ​មាន​ការ​លក់កើន​ឡើង​​​ដល់​ទៅ​១៤%​នៅ​ឆ្នាំ​កន្លង​ទៅ ពោល​គឺ​២៨​លាន​គ្រឿង ក្នុង​នោះ ជាង​២៤​លាន​គ្រឿង​ជាការ​ទិញ​ប្រើ​របស់​ឯកជន។ ការ​លក់​រថយន្ត​ប្រើ​ថាមពល​ស្អាត តំណាង​ឱ្យ​​តែ​១,៧%​ប៉ុណ្ណោះ។​ ប៉ុន្តែ​ទីផ្សារ​នេះ​មាន​ភាព​ទាក់ទាញ​ខ្លាំង និងមាន​និន្នាការ​​ស្ទុះ​ឡើង​យ៉ាង​គំហុក​ ដល់​ទៅ ៥៣% នៅ​ឆ្នាំ​២០១៦ ដោយ​សារ​តែ​រដ្ឋាភិបាល​​​មាន​នយោបាយ​ផ្តល់​ប្រាក់​លើក​ទឹក​ចិត្ត​និង​សម្រួល ​ការ​ផ្តល់​ស្លាកលេខចំពោះ​រថយន្ត​ប្រើ​អគ្គីសនី។
របប​កុម្មុយនិស្តចិន ដែល​ប្រទេស​ធ្លាប់​ជាប់ឈ្មោះ​អាក្រក់​​ខាង​ផ្នែក​បំពុល​បរិស្ថាន បាន​ ​ជំរុញនិង​លើក​ទឹក​ចិត្ត​ពលរដ្ឋ​ផង​ និង​ផ្តល់​កម្លាំង​ដល់​ក្រុមហ៊ុន​ឧស្សាហកម្ម​រថយន្ត​ ដោយ​បាន​លើក​​ច្បាប់ដំឡើង​​កូតាកម្ចី​ហរិញ្ញវត្ថុ​​​​​​​ទិញ រថយន្ត​ស្អាត​ ចាប់​ពី​ដើម​ឆ្នាំ​២០១៨​ទៅ។​
ភាគហ៊ុន​ក្រុមហ៊ុន​ផលិត​រថយន្ត​អគ្គីសនីចិន​​BYD បាន​ស្ទុះ​ឡើង​ដល់​ទៅ​៦%​នៅ​ព្រឹក​មិញ។ ឯ​ក្រុមហ៊ុន​ផលិតរថយន្តបរទេស​ ដូច​យ៉ាង​វ៉ុលវ៉ាហ្កែន​ កំពុង​ស្រក់​ទឹក​មាត់​ ចង់​បង្កើន​ផលិតផល​របស់​ខ្លួន​ឱ្យ​បាន​កាន់​តែ​ឆាប់​ដើម្បី​ឆ្លើយ​តប​ទៅ​នឹង ​សេចក្តី​ត្រូវការ​របស់​ទីផ្សារ​យក្ស​ចិន៕

ដោយ៖ មែវ សាធី

ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print