ខេត្តស្វាយរៀង៖ បុរសពីនាក់រងរបួសធ្ងន់ស្រាលដោយសារករណីគ្រោះថ្នាក់ចរាចរណ៏រវាងរថយន្តនិងម៉ូតូ កាលពីវេលាម៉ោង១២និង៣០នាទីថ្ងៃទី១៣ ខែតុលា ឆ្នាំ២០១៥ នៅចំណុចភូមិព្នៅឃុំតាសួស ស្រុកស្វាយជ្រំ ខេត្តស្វាយរៀង ។
សមត្ថកិច្ចនគរបាលស្រុកស្វាយជ្រំបានអោយដឹងថា បុរសរងគ្រោះមានឈ្មោះវ៉ែន វណ្ណា អាយុ៣៣ឆ្នាំ រស់នៅភូមិច្បារអំពៅ សង្កាត់ច្បារអំពៅ ខណ្ឌមានជ័យ រាជធានីភ្នំពេញ និងអ្នករួមដំណើរមានឈ្មោះអ៊ួន ចំណាប់ អាយុ៣២ឆ្នាំ នៅភូមិចាក់អង្រែលើ ក្រុងតាខ្មៅ ខេត្តកណ្ដាល ។ រីឯអ្នកបើកបររថយន្តម៉ាកកាមរី ក្រោយពីឃើញសភាពការណ៏មិនស្រួលក៏បើកទ្វារថយន្តរត់គេចខ្លួនបាត់ស្រមោលភ្លាមៗតែម្ដង ។
យោងតាមសាក្សីបានប្រាប់ថាមុនពេលកើតហេតុមានបុរស២នាក់បានបើកបរម៉ូតូមួយគ្រឿងម៉ាកស្មាស់ ពណ៌ខ្ មៅពាក់ស្លាកលេខភ្នំពេញ1FH-8612 លើផ្លូវជាតិលេខ១ពីកើតមកលិចក្នុងល្បឿនលឿនបន្ទាប់មកក៏ជែងនិងរថយន្តកាមរីមួយគ្រឿង ព៌ណខៀវ ពាក់ស្លាកលេខ2E-5273 ក៏បុកពីក្រោយយ៉ាងពេញទំហឹងបណ្ដាលអោយដួលរណូករណែលសន្លប់ស្ដូកស្ដឹងតែម្ដង ។
ក្រោយពីមានករណីខាងលើនេះកើតឡើងអ្នកបើកបររថយន្តមិនត្រូវបានស្គាក់ឈ្មោះបានបើករថយន្តចេញពីកន្លែងកើតហេតុយកទៅទុកចោលហើយគេចខ្លួនបាត់ ។
ជនរងគ្រោះទាំង២ត្រូវបានសមត្ថកិច្ចនគបាលដឹកយកទៅមន្ទីរពេទ្យបង្អែកខេត្តស្វាយរៀងដើម្បីសង្គ្រោះជីវិត ៕
ដោយ៖ ឃឹម សុថាន
