ខេត្តត្បូងឃ្មុំ ៖ កំលាំងជំនាញអធិការដ្ឋាននគរបាលក្រុងសួង ដឹងនាំដោយ លោក ឧត្តមសេនីយ៍ត្រី ហុង ណាក់ ស្នងការរងទទួលផែនប្រឆាំងបទល្មើស បានចុះបង្រ្កាបករណី រក្សាទុកនិងជួញដូរនូវសារធាតុញៀនដោយខុសច្បាប់ចំនួន២ ករណី។
ករណីទី១ ធ្វើនៅវេលាម៉ោង១០ និង៤៥នាទី ក្នុងភូមិប្រធាតុ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ ឃាត់ខ្លួនជនសង្ស័យ២នាក់ ១-ឈ្មោះ យ៉យ លាង ភេទប្រុស អាយុ២៧ ឆ្នាំរស់នៅភូមិប្រធាតុ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ និងទី២-ឈ្មោះ សៅ វ៉ាន់ឌី ភេទប្រុស អាយុ១៧ឆ្នាំ រស់នៅភូមិប្រធាតុ រស់នៅភូមិឃុំជាមួយ គ្នា ។ ក្នុងនោះកម្លាំងចាប់យកវត្ថុតាងថ្នាំញៀន១កញ្ចប់តូច។
ករណីទី២- ធ្វើនៅវេលាម៉ោង៥ និង៤០នាទី នៅភូមិគោល ឃុំរកាពប្រាំ ស្រុកត្បូងឃ្មុំ ខេត្តត្បូងឃ្មុំ ឃាត់ខ្លួនជនសង្ស័យម្នាក់ ឈ្មោះ ហេង សុភាព ភេទប្រុស អាយុ៣៤ឆ្នាំ រស់នៅភូមិគោល ឃុំរកាពប្រាំ ស្រុកត្បូងឃ្មុំ ខេត្តត្បូងឃ្មុំ ។
ចាប់យកវត្ថុតាងថ្នាំញៀនចំនួន៥កញ្ចប់ ( ០៤កញ្ចប់ធំ នឹង ០១ កញ្ចប់តូច )។
បច្ចុប្បន្នជនសង្ស័យ និងថ្នាំញៀន ឃាត់ខ្លួន និងរក្សាទុកនៅអធិការដ្ឋាននគរបាលក្រុងសួង ដើម្បីបញ្ជូនបន្តទៅតុលាការចាត់តាមច្បាប់ ៕ វណ្ណៈ
