ខេត្តត្បូងឃ្មុំ ៖ កំលាំងជំនាញអធិការដ្ឋាននគរបាលក្រុងសួង ដឹកនាំដោយលោកឧត្តមសេនីយ៍ត្រី ហុង ណាក់ ស្នងការរងប្រឆាំងបទល្មេីស បានធ្វើឃាត់ខ្លួនជនសង្ស័យ២នាក់ នៅចំណុចភូមិ៤ ឃុំជប់ ស្រុកត្បូងឃ្មុំ ខេត្តត្បូងឃ្មុំ ។

ជនសង្ស័យ ទី១-ឈ្មោះ ចាន់ សុភាព ភេទប្រុស អាយុ២៥ឆ្នាំ រស់នៅភូមិ៥ ឃុំជប់ ស្រុកត្បូងឃ្មុំ ខេត្តត្បូងឃ្មុំ និងទី២- ឈ្មោះ ឃីម ភារៈ ភេទប្រុស អាយុ១៨ឆ្នាំ ស្នាក់នៅភូមិ៥ ឃុំជប់ ស្រុកត្បូងឃ្មុំ ខេត្តត្បូងឃ្មុំ ។

បន្ទាប់ពីឃាត់ខ្លួន សមត្ថកិច្ចដកហូតថ្នាំញៀនចំនួន១៦កញ្ចប់តូច ដើម្បីរក្សាទុកជាវត្ថុតាង និងនាំខ្លួនបញ្ជូនបន្តទៅតុលាការចាត់តាម ច្បាប់ ៕ វណ្ណៈ