ភ្នំពេញ៖ កម្លាំងព្រហ្មទណ្ឌខណ្ឌចំការមន សហការជាមួយនគរបាលប៉ុស្តិ៍ទំនប់ទឹកឃាត់ខ្លួនជនសង្ស័យម្នាក់នៅភូមិដំណាក់ធំ១ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ កាលពីវេលា ម៉ោង១១និង១០នាទីព្រឹកថ្ងៃទី១៥ ខែតុលា ឆ្នាំ២០១៥ ។
ជនសង្ស័យឈ្មោះ សាន់ បូរុន ភេទប្រុស អាយុ៣៥ឆ្នាំ ស្នាក់នៅផ្ទះលេខ២៨២ ផ្លូវចាក់សំរាម ក្រុម១១ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។
ប្រភពព័ត៌មានពីកម្លាំងសមត្ថកិច្ចខណ្ឌចំការមនប្រាប់ថាបានធ្វើសកម្មភាពលួចរថយន្តកាមរីឆ្លាម ពាក់ស្លាកលេខ ភ្នំពេញ 2X-8412 ដែលម្ចាស់គេចតទុកនៅមុខផ្ទះ កាលពីថ្ងៃទី៨ ខែតុលា ឆ្នាំ២០១៥ នៅខាងក្រោយសណ្ឋាគារអ៊ីនធើខន ផ្លូវលេខ៤៣០ សង្កាត់ទំនប់ទឹក ខណ្ឌចំការមន ហើយម្ចាស់រថយន្តបានដាក់កាមេរ៉ាសុវត្ថិភាពថតជាប់ជនសង្ស័យ ៕
ដោយ៖ ស រស្មី
