ភ្នំពេញ ៖ បុរស២នាក់ត្រូវប៉ូលីសចាប់ឃាត់ខ្លួនសង្ស័យជាមុខសញ្ញាចោរលួចកាច់សោរកម៉ូតូយ៉ាងសកម្មកក្នុងរាជធានីភ្នំពេញនិងប្រើប្រាស់គ្រឿងញៀនក្រោយពីពួកគេជិះម៉ូតូអត់មានស្លាកលេខមួយគ្រឿងឌុបគ្នា ហើយម៉ូតូនោះគ្រាប់សោរម៉ូតូត្រូវកាច់បំបែកខ្ទេច ។
ករណីឃាត់ខ្លួនកាលពីម៉ោង១១និង៣០នាទីព្រឹកថ្ងៃទី៣០ខែកញ្ញាឆ្នាំ២០១៧នៅផ្លូវសហព័ន្ធរុស្សីភូមិចុងថ្នល់ខាងលិចសង្កាត់
ទឹកថ្លាខណ្ឌសែនសុខ។
ជនសង្ស័យទី១ឈ្មោះអ៊ុក ច័ន្ទប៊ុនណារ៉ាក អាយុ២៩ឆ្នាំមុខរបរមិនពិតប្រាកដស្នាក់នៅផ្ទះជួលនៅសង្កាត់ទួលទំពូងខណ្ឌចំការ មនមានស្រុកកំណើតនៅសង្កាត់ផ្សារដើមស្កូវខណ្ឌចំការមនភ្នំពេញ ។
ជនសង្ស័យទី២ឈ្មោះ នៅ ស៊ីនិត អាយុ២៦ឆ្នាំមុខរបរមិនពិតប្រាកស្នាក់នៅភូមិស្ទឹងជ្រៅ សង្កាត់ដើមមានក្រុងតាខ្មៅខេត្តកណ្តាល ។
សមត្ថកិច្ចបានប្រាប់ថាមុនឃាត់ខ្លួនជនសង្ស័យខាងលើខណះកម្លាំងបុស្តិ៍នគរបាលរដ្ឋបាលទឹកថ្លាធ្វើការល្បាតក្នុងមូលដ្ឋានស្រាប់តែប្រទះជនសង្ស័យខាងលើជិះម៉ូតូមួយគ្រឿងម៉ាកSR MOTARD ពណ៌សលាយខ្មៅ អត់មានស្លាកលេខដោយឌុបគ្នាតាមផ្លូវសហព័ន្ធរុស្សីក្បែស្ពានអាកាសថ្មីដោយសង្ស័យក៍ហៅអោយឈប់និងត្រួតពិនិត្យឃើញម៉ូតូអត់លេខខាងលើបែកគ្រាប់កុង តាក់ខ្ទេចនិងនៅជាប់ខ្លួនឃើញមានដែកឆ្នៃចុងស្រួចសម្រាក់កាច់ម៉ូតូចំនួនមួយត្រូវជនសង្ស័យលាក់ទុកក្នុងកញ្ចប់បារីឃើញដូចនេះក៍ឃាត់ខ្លួនតែម្តង ។
សមត្ថកិច្ចបានប្រាប់ទៀតថាក្រោយពីនាំខ្លួនមកដល់ប៉ុស្តិ៍នគរបាលរដ្ឋបាលទឹកថ្លាជាបឋមបានធ្វើតេសរកសារធាតុញៀនតាមរយ៉ះទឹកនោមក្រោយពីធ្វើតេសរួចឃើញថាជនសង្ស័យទាំង០២នាក់មានផ្ទុកនូវសារធាតុញៀនដូចនេះត្រូវបានឃាត់ខ្លួនបណ្តោះអាសន្តនិងសាកសួរបន្តរហើយត្រូវបានជនសង្ស័យសារភាពប្រាប់ថាពួកគេទាំង០២នាក់ជាមុខសញ្ញាប្រើប្រាស់គ្រឿងញៀននិងកាច់កលួចម៉ូតូយ៉ាងសកម្មកក្នុងរាជធានីភ្នំពេញពិតប្រាកដមែនហើយម៉ូតូដែលជិះនេះក៍លួចគេមកពីក្រុងតាខ្មៅខេត្តកណ្តាលមកដែល ។
បច្ចុប្បន្នជនសង្ស័យត្រូវបានឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌសែនសុខរងចាំបញ្ចូនទៅសាលាដំបូងរាជធាននីភ្នំពេញពេលក្រោយ ៕ តុង សីហា
