ភ្នំពេញ៖ ជនសង្ស័យម្នាក់ត្រូវបានសមត្ថកិច្ចឃាត់ខ្លួន បន្ទាប់ពីជនសង្ស័យធ្វើសកម្មភាពឆក់កាបូបស្ពាយពីនារីម្នាក់ដែលកំពុងជិះម៉ូតូតាមផ្លូវបណ្តាលឲ្យដួល ។
ហេតុការណ៍នេះបានកើតឡើងកាលពីវេលាម៉ោង២និង៥០នាទីថ្ងៃទី១៦ខែតុលាឆ្នាំ២០១៥ នៅចំណុចផ្លូវលេខ៩៩កែងផ្លូវលេខ៤៧៤ស្ថិតក្នុងសង្កាត់បឹងត្របែក ខណ្ឌចំការមន រាជធានីភ្នំពេញ។ ជនសង្ស័យខាងលើត្រូវគេឲ្យដឹងថា មានឈ្មោះ ចាន់ សាវី ភេទប្រុស អាយុ២៦ឆ្នាំ មុនរបរមិនពិតប្រាដក ស្នាក់នៅម្តុំផ្សារដើមថ្កូវ ខណ្ឌចំការមន ។
ប្រភពពីប្រជាពលរដ្ឋឲ្យដឹងថា មុនពេលកើតហេតុគេបានឃើញនារីម្នាក់ជិះម៉ូតូមួយគ្រឿងមា៉កស្តូបពីរ ពណ៍ស ពាក់ស្លាកលេខភ្នំពេញ1FI.8546ធ្វើដំណើរតាមបណ្តោយផ្លូវបេតុង ក្នុងទិសដៅពីត្បូងទៅជើង ខណះមកដល់ចំណុចកើតហេតុ ស្រាប់តែលេចមុខជនសង្ស័យម្នាក់ជិះមូ៉តូមា៉កវេ៉វ ពណ៍ខ្មៅ ពាក់ស្លាកលេខកំពុងចាម 1B2343 ហើយក៏ធ្វើសកម្មភាពឆក់ការបូបស្ពាយពីនារីរងគ្រោះតែមិនបានសម្រេចបណ្តោយដួលទៅនិងថ្នល់ទើបបង្កឲ្យមានការភ្ញាក់ផ្អើលដល់ប្រជាពលរដ្ឋដែលនៅក្បែរនាំគ្នាដេញចាប់បានភ្លាមៗទើបរាយការណ៍ទៅសមត្ថកិច្ចចុះអន្តរាគមន៍ ។
ក្រោយពេលកើតហេតុជនសង្ស័យត្រូវបាន សមត្ថកិច្ចនាំខ្លួនមកទីស្នាក់ការនគរបាលប៉ុស្តិ៍បឹងត្របែកដើម្បីសាកសួរ ចំណែកជនរងគ្រោះបានទៅដាក់ពាក្យបណ្តឹងប៉ុស្តិ៍នគរបាលរដ្នបាលបឹងត្របែក ។
បច្ចុប្បន្នជនសង្ស័យត្រូវបានកម្លាំងសមត្ថកិច្ចនាំយកមកឃុំខ្លួនបណ្ដោះអាសន្ននៅអធិការដ្នាននគរបាលខណ្ឌចំការមនដើម្បីកសាងសំណុំរឿងបញ្ជូនខ្លួនទៅសាលាដំបូង ចាត់ការតាមនីតិវិធីច្បាប់ ៕
ដោយ៖ ស រស្មី
