ភ្នំពេញ ៖ មានភាពភ្ញាក់ផ្អើលមួយបានកើតឡើងនៅចំណុចផ្លូវបេតុង ភូមិសែនសុខ២ សង្កាត់ឃ្មួញ ខណ្ឌ សែនសុខ ដោយសារតែគេឃើញមនុស្សប្រុស-ស្រី ជិះម៉ូតូមួយគ្រឿងបានធ្វើសកម្មភាពច្រានទម្លាក់ក្មេងប្រុសទម្លាក់ពីលើម៉ូតូ បណ្តាលឲ្យរងរបួសធ្ងន់ធ្ងរ ។

សាក្សីឃើញហេតុការណ៍នេះបាននិយាយឲ្យដឹងថា មានបុរសនិងស្រីពីរនាក់ ជិះម៉ូតូមួយគ្រឿង ម៉ាកហុងដា ស្គូពី បើកក្នុង ចំណុចខាងលើ ក្នុងទិសដៅពីលិចទៅកើត ។ លុះធ្វើដំណើរមកដល់កន្លែងកើតហេតុបានចាប់ប្រទាញប្រទង់ជាមួយក្មេងរង គ្រោះបណ្តាលឲ្យធ្លាក់ពីលើម៉ូតូរបួសបែកក្បាលធ្ងន់ធ្ងរ ហើយក៏បន្ថែមល្បឿនគេចខ្លួនបាត់ទៅ ។ ចំណែកក្មេងប្រុសរងគ្រោះ ត្រូវជួយអន្តរាគមន៍ប្រញាប់ដឹកសង្គ្រោះទៅកាន់មន្ទីរពេទ្យផងដែរ ។

ករណីនេះ មិនទាន់មានការសន្និដ្ឋានបែបណានោះទេ ដោយសមត្ថកិច្ចកំពុងស្រាវជ្រាវ ៕ តុង សីហា