ខេត្តត្បូងឃ្មុំ ៖ ជនសង្ស័យជាមុខសញ្ញាជួញដូរថ្នាំញៀន៥នាក់ ត្រូវបានកម្លាំងជំនាញនគរបាលស្រុកក្រូចឆ្មារចុះបង្ក្រាបឃាត់ខ្លួន កាលពីម៉ោងវេលាម៉ោង៧យប់ ថ្ងៃទី៨ ខែវិច្ឆិកា ឆ្នាំ២០១៧ នៅចំណុចប្រស្រែក្រោម ស្ថិតក្នុងភូមិបីម៉ែត្រ ឃុំទួលស្នួល ស្រុកក្រូចឆ្មារ ។
ក្នុងប្រតិបត្តការខាងលើ សមត្ថកិច្ចបានប្រើវិធានញុះញ៉ង់រហូតឃាត់មុខសញ្ញាសង្ស័យ បាន៥នាក់ ១-ឈ្មោះ សុខ សី ហៅគួយ ភេទប្រុស អាយុ១៥ឆ្នាំ ជាតិខ្មែរ ,២- ឈ្មោះ ស៊ាន ផាណន់ ភេទប្រុស អាយុ១៧ឆ្នាំ ជាតិខ្មែរ ,៣-ឈ្មោះ ឡា គីឌីន ភេទប្រុស អាយុ១៧ឆ្នាំ ជាតិខ្មែរ , ៤-ឈ្មោះ ខេន សុខ ភេទប្រុស អាយុ៣៥ឆ្នាំ ជាតិខ្មែរ ។ អ្នកទាំង៤អ្នកនៅភូមិបី ម៉ែត្រ ឃុំទួលស្នួល ស្រុកក្រូចឆ្មារ និង៥- ឈ្មោះ មឿន ម៉េងតុង ភេទប្រុស អាយុ១៧ឆ្នាំ ជាតិខ្មែរ នៅភូមិជើងច្រង់ ឃុំទួលស្នួល ស្រុកក្រូចឆ្មារ ។
ជាលទ្ធផលកម្លាំងចាប់យកវត្ថុតាងរួមមាន ៖ ម្សៅក្រាមពណ៌សថ្លាចំនួន២៩កញ្ចប់តូច ,សម្ភារសេពគ្រឿង ញៀនមួយចំនួន ,កាំបិតចុងស្រួច១ ,ដែកឆាបបីជ្រុងមុខស្រួច១ ,ទូរស័ព្ទ ៣គ្រឿង, ឧបករណ៍សាកថ្ម១គ្រឿង, ប្រាក់រៀល២១០.០០០រៀល ,ប្រាក់ដុល្លារ១៥ដុល្លារ និងម៉ូតូ១គ្រឿង ម៉ាកហុងដាវ៉េវ ។
ជនសង្ស័យទាំង៥នាក់ខាងលើ សមត្ថកិច្ចកំពុងកសាងសំណុំរឿងតាមនីតិវិធីបញ្ជូនទៅផ្តន្ទាទោសតាមច្បាប់ ៕ ដោយ ៖ វណ្ណៈ
