ភ្នំពេញ ៖ កម្លាំងអន្តរាគមន៍ពិសេសខណ្ឌពោធិ៍សែនជ័យ ក្រោមការដឹកនាំរបស់លោកវរសេនីយ៍ឯក យឹម សារ៉ាន់ អធិការនគរបាលខណ្ឌបានធ្វើការបង្ក្រាប ករណីជួញដូរគ្រឿងញៀនជាបន្តបន្ទាប់ឃាត់ខ្លួនបានជនសង្ស័យចំនួន៤នាក់ ក្នុងនោះមានម្នាក់ជាស្ត្រី រហ័សនាម(មីជ្រូក)ដែលល្បីខាងចែកចាយគ្រឿង ញៀនយ៉ាងសកម្ម និងថ្នាំសរុប២៩កញ្ចប់។

ប្រត្តិបត្តិការណ៍នេះ នៅវេលាម៉ោង ២០និង៣០នាទី ថ្ងៃទី ១៤ វិច្ឆិកា ២០១៧ នៅចំណុចគោកបញ្ជាន់ ភូមិថ្មគោល១សង្កាត់ចោមចៅទី២ ខណ្ឌពោធិ៍សែនជ័ ។

ជនសង្ស័យទាំង៤នាក់ ទី១ឈ្មោះ សាយ ចាន់ថន ភេទស្រី ហៅមីជ្រូក អាយុ២៥ឆ្នាំ មុខរបតលក់គ្រឿង ញៀន ស្នាក់នៅភូមិថ្មគោល១ សង្កាត់ចោមចៅទី២ ខណ្ឌពោធិ៍សែនជ័ (ដកហូតថ្នាំ ១១កញ្ចប់តូច និងថង់សំរាប់ច្រកមួយចំនួន)។

ជនសង្ស័យទី២មានឈ្មោះ សូ ភ័ណ្ឌ ភេទប្រុសអាយុ២០ឆ្នាំ មុខរបរមិនពិត ស្នាក់នៅភូមិថ្មគោល១ សង្កាត់ចោមចៅទី២ខណ្ឌពោធិ៍សែនជ័ (ដកហូតថ្នាំ៤កញ្ចប់តូច)។

ជនសង្ស័យទី៣មានឈ្មោះ សឿន ផានីដា អាយុ២៥ឆ្នាំ មុខរបរមិនពិត ស្នាក់នៅភូមិព្រៃល្វា សង្កាត់ចោម ចៅទី២ ខណ្ឌពោធិ៍សែនជ័យ ។

ជនសង្ស័យទី៤មានឈ្មោះ វ៉ាត់ ប៉ាលី ភេទប្រុសអាយុ២០ឆ្នាំ មុខរបរមិនពិត ស្នាក់នៅភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ(ទាំង២នាក់ដកហូតថ្នាំ១៤កញ្ចប់តូច ។

តាមប្រភពណីសមត្ថកិច្ចបានឲដឹងថា មុនពេលឃាត់ខ្លួនជនសង្ស័យទាំង៤នាក់ កម្លាំងនគរបាលផ្នែកអន្តរាគមន៍និង ផ្នែកជំនាញសន្តិសុខផ្ទៃក្នុង បានចេញល្បាតការពារក្នុងភូមិសាស្ត្រ ដើម្បីទប់ស្កាត់

បទល្មើសកុំអោយកើតមាន ជាពិសេសបង្ក្រាបករណីគ្រឿងញៀន លុះមកដល់ចំណុចក្រោយវត្តគោក

បញ្ជាន់ ម្តុំកន្លែងហាល លៀស ក៏ប្រទះឃើញជនសង្ស័យ២នាក់ឈ្មោះ សឿន ផានីដា និងឈ្មោះ វ៉ាត់ ប៉ាលី  សង្ស័យបានហៅឃាត់សួរនាំឆែកឆេររកឃើញថ្នាំញៀន ចំនួន១៤កញ្ចប់តូច ។ក្រោយមកកម្លាំងបានសួរនាំ ជនសង្ស័យឆ្លើយថាទិញពីឈ្មោះ សាយ ចាន់ថន ហៅមីជ្រូក បន្ទាប់មកកម្លាំងបាននាំជនសង្ស័យទៅចង្អុលបង្ហាញ ហើយខណៈជិះជិតដល់បន្ទប់ជួលឈ្មោះ សាយ ចាន់ថន ភេទស្រី ហៅមីជ្រូក ក៏ប្រទះជនសង្ស័យម្នាក់ទៀតឈ្មោះសូ ភ័ណ្ឌ ឈរនៅតាមផ្លូវសង្ស័យឆែករកឃើញ ថ្នាំញៀនចំនួន៤កញ្ចប់តូច ។ខណះនោះក៏មានក្មេងៗតូចស្រែកប្រាប់ឈ្មោះ សាយ ចាន់ថនហៅមីជ្រូក ថាប៉ូលីសមកហើយៗ ភ្លាមនោះជនសង្ស័យរត់ចូលបន្ទប់បម្រុងចាក់ថ្នាំចោលចូលបង្គន់ ដើម្បីបំបាត់ភស្តុតាង ទើបកម្លាំងស្ទុះរត់សម្រុកចូលបន្ទប់ជនសង្ស័យទាន់ ឃាត់ខ្លួនជនសង្ស័យ ឆែកឆេររកឃើញថ្នាំញៀន១១កញ្ចប់តូច និងឧបករណ៍ប្រើប្រាស់និងថង់សំរាប់ច្រកគ្រឿងញៀនមួយចំនួន ។

បច្ចុប្បន្នជនសង្ស័យទាំង៤នាក់ រួមទាំងវត្ថុតាង ត្រូវបានបញ្ចូនមកកាន់ផ្នែកជំនាញប្រឆាំងគ្រឿងញៀន

នៃអធិការដ្ធាននគរបាលខណ្ឌពោធិ៍សែនជ័យ ដើម្បីសួរនាំបន្ត កសាងសុំណុំរឿង បញ្ចូនឡើងតុលារការ ចាត់ការតាមនិតិវិធី ៕ សុខាសែនជ័យ