ធ្វេសប្រហែសមែន ! នគរបាលខណ្ឌច្បារអំពៅ ធ្វើឱ្យជនសង្ស័យម្នាក់លោតចុះពីរថយន្តគេចខ្លួនបាត់

ចែករំលែក៖

ភ្នំពេញ ៖ មជ្ឈដ្ឋានមួយចំនួន ស្តីបន្ទោសយ៉ាងខ្លាំងពីការធ្វេសប្រហែសរបស់នគរបាលខណ្ឌច្បារអំពៅ ដែលធ្វើឱ្យជនសង្ស័យម្នាក់ក្នុងចំណោមបួននាក់ លោតចុះពីរថយន្តនគរបាល ពេលនាំទៅឃុំខ្លួនក្នុងមណ្ឌលអប់រំកែប្រែទី១ ឬ ពន្ធនាគារព្រៃស ។

ការភ្ញាក់ផ្អើលនេះ កើតឡើង កាលពីព្រឹកថ្ងៃទី១៨ ខែវិច្ឆិកា នៅតាមផ្លូវទៅពន្ធនាគារព្រៃស ផ្លូវលេខ២១៧ ភូមិឫស្សីទី១ សង្កាត់ស្ទឹងមានជ័យ៣ ខណ្ឌមានជ័យ ។

នេះមិនមែនលើកទី១ទេ ដែលនគរបាលធ្វេសប្រហែសបណ្តាលឱ្យជនសង្ស័យលោតចុះពីរថយន្តគេចខ្លួននោះ ។ កន្លងមក មានជនសង្ស័យខ្លះក៏ធ្លាប់រត់ចេញពីតុលាការផងដែរ ។

ប្រភពព័ត៌មានបញ្ជាក់ថា ជនសង្ស័យរូបនេះឈ្មោះ តុប វុទ្ធី ភេទប្រុស អាយុ៣៥ឆ្នាំ ត្រូវបានតុលាការសម្រេចឃុំខ្លួនដាក់ពន្ធនាគារពីបទរក្សាទុកនិងប្រើប្រាស់នូវសារធាតុញៀនដោយខុសច្បាប់ ៕ចេស្តា

...