ភ្នំពេញ ៖ ស្ថានភាពអាកាសធាតុនៅថ្ងៃទី២២ ខែវិច្ឆិកា ឆ្នាំ២០១៧នេះ បណ្តារាជធានី-ខេត្ត មួយចំនួននៃផ្នែកខ្លះអាចនឹងមានភ្លៀងលាយផ្គរ ។ នេះបើតាមមន្ត្រីក្រសួងធនធានទឹក និង ឧតុនិយមបានព្យាករណ៍ឲ្យដឹងអំពីអាកាសធាតុ និងចាប់ពីថ្ងៃទី២៣-២៥ ខែវិច្ឆិកា ឆ្នាំ២០១៧ ។ មូលហេតុដោយសារព្រះរាជាណាចក្រកម្ពុជាទទួលឥទ្ធិពលពីជ្រលងសម្ពាធទាបខ្សោយ ។
ការព្យាករណ៍បានឲ្យដឹងទៀតថា រាជធានី-ខេត្តដែលរងសម្ពាធទាបមាន ៖ រាជធានីភ្នំពេញ ខេត្តកណ្តាល តាកែវ កំពង់ស្ពឺ ព្រៃវែង ស្វាយរៀង ពោធិសាត់ បាត់ដំបង កំពង់ឆ្នាំង សៀមរាប បន្ទាយមានជ័យ ឧត្តរមានជ័យ ខេត្តកំពង់ធំ ត្បូងឃ្មុំ កំពង់ចាម ក្រចេះ ព្រះវិហារ មណ្ឌលគិរី រតនគិរី និងខេត្តស្ទឹងត្រែង។
ចំណែកខេត្តជាប់សមុទ្រមាន ៖ ខេត្តកែប កំពត ព្រះសីហនុ និងខេត្តកោះកុង នឹងមានផ្ទៃមេឃ ពពកពីមធ្យមទៅច្រើន ខ្យល់បក់មកពីទិសឦសាន មានល្បឿនពី 3-5m/s នឹងអាចមានភ្លៀងផ្គរនៅផ្នែកខ្លះ រីឯ រលកសមុទ្រអាចមានកម្ពស់ពី០.៥០ម៉ែត្រទៅ១.៥០ម៉ែត្រ ៕ ជាយក្រុង