ភ្នំពេញ ៖ មានករណីបាញ់បោះសេរីជាង៦គ្រាប់ នៅមជ្ឈមណ្ឌលកម្សាន្តរ៉ុក Rock ទាំងព្រឹកថ្ងៃទី២៩ ខែវិច្ឆិកា ឆ្នាំ២០១៧ ស្ថិតក្នុងសង្កាត់ទន្លេបាសាក់ ខណ្ឌចំការមន ។ ករណីនេះបានបណ្ដោលអោយមានមនុស្សត្រូវរបួសម្នាក់ផងដែរ ។
ជនសង្ស័យដែលបាញ់បោះសេរីតាមអំពើចិត្ត ត្រូវបានស្គាល់ឈ្មោះ រិទ្ធិ ហៅ ញ៉ាញ់ ភេទប្រុស អាយុ៣៣ឆ្នាំ ត្រូវចាប់ខ្លួនបញ្ជូនមកកាន់កងរាជអាវុធហត្ថខណ្ឌចំការមន ដើម្បីធ្វើការសាកសួរ ។
ក្នុងហេតការណ៍នោះ ក៏មានកើតករណីបោកទូរស័ព្ទអ្នកសារព័ត៍មានចោលខ្ទេច និងគំរាមសម្លុតអ្នកសារព័ត៌មាន ខណៈគាត់កំពុងប្រតិបត្តិការថែមទៀតផង ។
ប្រជាពលរដ្ឋនៅក្បែរខាង មានការព្រឺសម្បុររាល់យប់រាល់ថ្ងៃ មិនដឹងថា ថ្ងៃណាទើបស្ងប់ស្ងាត់ស្នូរកាំភ្លើងនៅមជ្ឈមណ្ឌលកម្សាន្តដែលស្ថិតនៅសង្កាត់ទន្លេបាសាក់ ខណ្ឌចំការមននេះឡើយ។ ថ្នាក់លើគួរតែមានវិធានការខ្លះហើយ កុំបណ្តោយក្រុមទំនើងចេះតែផ្ទុះអាវុធដោយសេរីខ្លាំងពេក ខណៈប្រទេសកំពុងមានសន្តិភាព និងច្បាប់ទម្លាប់ត្រឹមត្រូវនោះ៕ ស រស្មី
