ខេត្តកំពង់ចាម ៖ នៅគ្រាដែលកម្លាំងកម្លាំងជំនាញក្រុងកំពង់ចាម ចុះធ្វើរដ្ឋបាលចំហរ ដើម្បីត្រួតពិនិត្យអាវុធជាតិផ្ទុះ ក៏ដូចជាធ្វើតេស្តស្វែងរកសារធាតុញៀន បានពិនិត្យរក ឃើញមនុស្ស៣នាក់មានផ្ទុកសារធាតុញៀន កាលវេលាម៉ោង៨និង៤០នាទីយប់ ថ្ងៃទី៨ ខែធ្នូ ឆ្នាំ២០១៧ ។
ការបើកប្រតិបត្តិការចុះធ្វើរដ្ឋបាល ធ្វើឡើងនៅចំណុចភូមិផ្លូវជាតិលេខ៧ ស្ថិតក្នុង ភូមិបឹងស្នាយ សង្កាត់សំបួរមាស ក្រុងកំពង់ចាម ខេត្តកំពង់ចាម បានធ្វើតេស្តលើមុខសញ្ញា សង្ស័យចំនួន៣នាក់ ។
ជនសង្ស័យដែលរងការឃាត់ខ្លួន ១-ឈ្មោះ មួន ភារិទ្ធ ភេទប្រុស អាយុ ២៤ឆ្នាំ ជាតិខ្មែរ នៅភូមិបឹងស្នាយ សង្កាត់សំបួរមាស ក្រុងកំពង់ចាម ខេត្តកំពង់ចាម( វិជ្ជមាន), ២-ឈ្មោះ ឡុង វិចិត្រ ភេទប្រុស អាយុ១៩ឆ្នាំ នៅភូមិបឹងស្នាយ សង្កាត់សំបួរមាស ក្រុងកំពង់ចាម (វិជ្ជមាន) ,៣-ឈ្មោះ ធួន ពិសិដ្ឋ ភេទប្រុស អាយុ២២ឆ្នាំនៅភូមិបឹងបាសាក់ សង្កាត់សំបួរ មាស ក្រុងកំពង់ចាម(វិជ្ជមាន) ។
ជនសង្ស័យទាំង៣នាក់ខាងលើ កម្លាំងបានកសាងសំណុំរឿងបញ្ជូនបន្តតាមនីតិវិធី ៕ វណ្ណៈ
