ប្រជាពលរដ្ឋ ​ប្រមាណ​២០​គ្រួសារ​ តំណាង​ឲ្យ​ប្រជាពលរដ្ឋ​ចំនួន​៤៩​គ្រួសារផ្ទុះការការតវ៉ាថៅកែបុរីមហាសេដ្ឋីមិនផ្ទេរកម្មសិទ្ធ

ចែករំលែក៖

ភ្នំពេញ ៖ ​ប្រជាពលរដ្ឋ ​ប្រមាណ​២០​គ្រួសារ​ តំណាង​ឲ្យ​ ប្រជាពលរដ្ឋ​ ចំនួន​៤៩​គ្រួសារ ​ ដែល​បាន​ទិញ​ផ្ទះ ​ពី​បុរីមហា ​សេដ្ឋី ​បាន​ផ្ទុះការ​តវ៉ា​ ជា​ថ្មី ​ដើម្បី​ទាម​ទារ​ អោយ ​សម្តេច ​អគ្គមហា ​សេនាបតី​តេជោហ៊ុន​ សែន​ នាយ​ករដ្ឋ ​មន្រ្តីនៃ​ព្រះរាជាណាច​ក្រក​ម្ពុជា ​ និង​លោក​ ទេសរដ្ឋមន្រ្តី​និង​ជារដ្ឋ ​មន្រ្តី ​ក្រសួង​ រៀបចំដែនដី នគររូបនីយ៍កម្ម​ និងសំ​ណង់ ​មេត្តា​ជួយ​អន្តរាគមន៍ដើម្បី​អោយ​ពួក​គាត់​បាន​ប័ណ្ណ​កម្មសិទ្ធិ​​បន្ទាប់ពីពួកគាត់ទិញផ្ទះក្នុងបុរីនេះរយៈជាង៥ឆ្នាំបងប្រាក់គ្រប់ហើយក្រុមហ៊ុនបានធ្វើតាមការសន្យា ​ ​ ។

ហេតុការណ៍​ការតវ៉ាបា​នផ្ទុះ​ឡើង​កាល​ពី​វេលា​ម៉ោង ​១១និង​៣០ថ្ងៃ​ត្រង់ទី​ ១៤​ខែ​ធ្នូ ​ឆ្នាំ​ ២០១៧ ដោយ​ពួក​គាត់​នាំគ្នា​ ជួប​ប្រមូល​ផ្តុំគ្នា​ នៅ​ក្នុង​បុរី ​ ដោយ​បាន​បង្ហាញ ​កិច្ចសន្យា ​និង ​លិខិត​ បង់​ប្រាក់​គ្រប់ចំ​នួន ​ហើយ ​បែរ​ជា​ថៅកែ ​បុរី​មហា ​សេដ្ឋី ​មិន​បាន​កាត់​ឈ្មោះ​បំបែក​ប្លង់​ ផួន​ពួក​គាត់​ទៅ​តាម​កិច្ច​សន្យា​ ឡើយ​។

​​ការ​ប្រមូល​ផ្តុំតវ៉ា​នេះបាន​ផ្ទុះឡើង​ជា​បន្ត​បន្ទាប់​ បន្ទាប់​ពី ​ពួក​គាត់ ​ បាន​ទិញផ្ទះ​ ពីបុ​រីនោះ ​អស់​រយះ​ពេល​ប្រមាណជា​ង៤ឆ្នាំ​មកហើ​យ ​ និង​បាន​បង់​ប្រាក់​គ្រប់​ចំនួន​​ បែរ​ជាថៅ​កែបុរី​ ចេះតែ​សន្យា​ខ្យល់​រហូត​។​ទន្ទឹម​នោះ​ប្រជា​ពលរដ្ឋ​ ចោទ​​ប្រកាន់​ថា ​ថៅកែបុ​រីមហាសេដ្ឋី​ឈ្មោះ ​ណេប ​សុវណ្ណារិទ្ធិ​បោក​ប្រាស់ ​។​

​តាមប្រ​ជាពលរដ្ឋ​ដែល​តវ៉ា​បាន​ឲ្យដឹងថា ​ពួក​គាត់ ចំនួន ៤៩គ្រួសារ ​បានម​កទិញ​ ផ្ទះ ​បុរី​មហាសេដ្ឋីនេះ​ តាំង​ពីឆ្នាំ ​២០១២ និងខ្លះឆ្នាំ ​ ២០១៤​ក្នុង​តម្លៃ​ពី​១៣ម៉ឺន​ដុល្លារ​ទៅ១​៧ម៉ឺនដុល្លារ​​ ដោយធ្វើកិច្ច​សន្យាទិ​ញលក់ ​ ហើយ ​បង់​ប្រាក់​ជាដំណាក់ៗ​ដោយ​រយះពេ​លសាង​សង់ ​១២ខែ ​គិតចា​ប់ពីថ្ងៃ​ធ្វើកិច្ច​សន្យា​និង​ត្រូវ ​រួចរាល់​ជាស្ថាពរ ​នៅថ្ងៃទី​ ២០​ខែឧសភា ​ឆ្នាំ ​២០១៥ ។​

​តាម​ប្រជាពលរដ្ឋ ​បាន​ឲ្យ​ដឹង​ទៀត​ថា ​ នៅពេ​លទិញ​ ថៅកែបុ​រីឈ្មោះណេ​ប សុវណ្ណារិទ្ធិ ​បាន​ធ្វើកិ​ច្ចសន្យា ​ថា ​ ក្រុម​ហ៊ុន ​នឹង​ប្រគល់​ប្លង់ ​កម្មសិទ្ធិ ​ទៅ​ឲ្យ អ្នក​ទិញ ​បន្ទាប់​ពី​គម្រោង​សាង​សង់​បុរីត្រូវ​បាន​បញ្ចប់​១០០​ភាគរ​យមិន​ឲ្យលើស​រយះ​ពេល​ ៤៥​ថ្ងៃឡើយ​ តែ​ពេលនោះរ​យះពេល​ ៤ឆ្នាំ ​មក​ហើយ ​ក្រុម​ហ៊ុន ​ចេះតែសន្យា​ចោល ​។

​​តាម​ប្រជាពលរ​ដ្ឋ បាន​ឲ្យ​ដឹងទៀត​ថា ​បន្ទាប់​ពីចាំបា​ត់ៗ ​ហើយ ​ក្រុម​ហ៊ុន ​ចេះតែស​ន្យា ថ្ងៃ ​ ​នេះថ្ងៃនោះ ​ ពួក​គាត់ ​ក៍បាន​ជួប​ប្រមូល​ផ្តុំគ្នា​តវ៉ាជា​ច្រើន​លើក​មកហើយ​ដើម្បីទា​មទារ​អោយ​ថៅកែ​ធ្វើប័ណ្ណក​ម្មសិទ្ធិជួ​នពួក​គាត់​ងាយស្រួ​លពួ​កគាត់​យក​ប្លង់​ទៅ​ដាក់​បញ្ចាំ ​និង​កាត់​ឈ្មោះ ​ចែកអោ​យកូន​ចៅ ។​ទន្ទឹម​នោះ ​ថៅកែបុរី​ ឈ្មោះ ​ណេប សុ​វណ្ណារិទ្ធិ​ក៍បាន​សន្យា​នៅ​សាលា​សង្កាត់​ឬស្សីកែ​វ តែ​សន្យាខ្យ​ល់។​​តាម​កិច្ចសន្យា​ ប្រគ​ល់ ប័ណ្ណក​ម្មសិទ្ធិ ​របស់ ​បុរីមហាសេ​ដ្ឋី ​ បាន​ឲ្យ​ដឹងថា ​ ខ្ញុំឈ្មោះ ​ណេប សុវណ្ណារិទ្ធិ ជាម្ចាស់​បុរី មហាសេដ្ឋី​សូម​សន្យា ​ដល់​ បង​ប្អូន​ជាអតិថិជន​ដែល​បាន​ទិញ​ដីនិង​ផ្ទះ ​ហើយបា​នបង់​ប្រាក់​គ្រប់​ចំនួន​១០០​ភាគរ​យនិង​ពុំមាន​ពាក់​ព័ន្ធការ​ខ្ចីប្រាក់​ ក្រុម​ហ៊ុន ​សូម​មេត្តា ​អញ្ចើញ​មក​ទទួល​ប័ណ្ណ ​កម្ម​សិទ្ធិ(​ប្លង់រឹង)នៅថ្ងៃទី០៩ខែម​ករា ​ឆ្នាំ ២​០១៧ ​កុំបី​ខាន ។​ នៅ​ក្នុង​លិខិត​នោះ ​ក៍បាន​បញ្ចាក់​ថា​ បើ​ដល់​ថ្ងៃកំណត់ ​ខាង​លើខ្ញុំ​បាទជា​ម្ចាស់បុ​រី ​ មហា​សេដ្ឋី ​មិន​បាន​ប្រគល់​ជួន​ប័ណ្ណ​កម្មសិទ្ធិដល់​បង​ប្អូនអ​តិថិជន​តាម​កំណត់​នោះទេ​ខ្ញុំ​បាទ​នឹង​ទទួល​ខុស​ត្រូវ​ចំពោះមុ​ខច្បាប់​។បន្ទាប់​ពី​ធ្វើកិច្ច​សន្យា ​ដល់​កំណត់​ហើយ​ម្ចាស់បុ​រី​មិន​បាន​គោរ​ពតាម​កិច្ច​សន្យា​ឡើយ ​។

​​តាម​ប្រជាពល​រដ្ឋ​ ក៍បាន​អោយ​ដឹង​ទៀត​ថា ​ នៅ​ពេល​សន្យាបា​ត់ៗ ​ពួក​គាត់​ក៍បាន​នាំគ្នា ​ផ្តិត​មេដៃ​ប្តឹងទៅ​សាលាដំ​បូងរា​ជធានីភ្នំ​ពេញនិ​ងធ្វើពា​ក្យស្នើសុំ​អន្តរាគមន៍​ទៅលោ​កទេស​រដ្ឋម​ន្រ្តីនិង​ជារដ្ឋ ​មន្រ្តី ​ក្រសួង ​រៀបចំ​ដែនដី ​នគររូប​នីយ៍កម្ម​និង​សំណង់​ឲ្យ​ជួយ​អន្តរាគមន៍​តែ​បាត់​ដំណឹង​រហូត​ ។​

ប្រជា​ពលរដ្ឋ​ដែល​តវ៉ា ​ ក៍​បាន​សំណូម​ពរ ដល់ សាលាដំបូងរាជធានីភ្នំពេញមេត្តាជួយរកយុត្តិធម៌ ដល់ពូកគាត់ផង ជាពិសេស សូម សម្តេច​ អគ្គ​មហា សេនាបតីតេ​ជោហ៊ុន​ សែន​ នាយ​ករដ្ឋ មន្រ្តីនៃព្រះរាជា​ណាចក្រ​កម្ពុជា ​ និ​ង​លោក​​ ទេសរ​ដ្ឋមន្រ្តី ​ជា ​សុផារ៉ា​ មេ​ត្តា ជួ​យអន្តរា​គមន៍​ ដើម្បី​ឲ្យ​ពួក​​គាត់​ បា​នប័ណ្ណក​​ម្មសិទ្ធិ ​ដោយ ​ស្រប​ច្បាប់​​ ។​

​ទាក់​ទិន​ការ​ចោទ​ប្រកាន់​នេះ ​អ្នកព័​ត៌មានយើង បាន​ទាក់ទង ​បំភ្លឺ​ ពីតំ​ណាង​ក្រុម​ហ៊ុន ​ តែ​ត្រូវ​បាន​លោក​ស្រី ជាតំណាង​​ឲ្យដឹងថា​ ជាប់​រវល់​ ​៕  ​អរុណរះ

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print