ខេត្តកណ្តាល ៖ មុននេះបន្តិច ផ្ទះប្រជាពលរដ្ឋ១ខ្នង សាងសង់អំពីឈើប្រក់ក្បឿង ទំហំ៥ម៉ែត្រគុណ១២ម៉ែត្រ ត្រូវបានអគ្គិភ័យឆាបឆេះអស់ទាំងស្រុង ខណៈម្ចាស់ផ្ទះចេញទៅផ្សារ ។

ហេតុការណ៍នេះបានកើតឡើង កាលពីព្រឹកថ្ងៃទី១៩ ខែធ្នូ ឆ្នាំ២០១៧ ឋិតនៅភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ ខេត្តកណ្តាល។

ម្ចាស់ផ្ទះ ឈ្មោះ ប៉ែន ឡៅ ភេទប្រុស អាយុ៦២ឆ្នាំ  មុខរបរ កសិករ ។

មន្ត្រីជំនាញបានចេញអន្តរាគមន៍បាញ់ពន្លត់ទប់ស្កាត់ការរាលដាលទៅផ្ទះផ្សេង ស្របពេលរដូវរងា មានខ្យល់បក់ខ្លាំង ។ ចំណែកមូលហេតុត្រូវបានគេអះអាងថា អាចបណ្តាលមកពីទុស្សេខ្សែភ្លើង ។

ទំហំនៃការខូចខាតរួមមាន ទូរទស្សន៍១គ្រឿង២១អីញ ម៉ាញ៉េ១គ្រឿង  គ្រែ១ និងពូកម៉ុង ភួយ ប្រាក់៦០០ដុល្លារ និងសម្ភារប្រើប្រាស់ក្នុងផ្ទះមួយចំនួនទៀត ៕  ស្អាងជ័យ