ខេត្តស្វាយរៀង៖ ប្រជាពលរដ្ឋប្រមាណជិត១០០គ្រួសារដែលមានទីលំនៅស្ថិតក្នុងភូមិតាប៉ ឃុំតាសួស ស្រុកស្វាយជ្រំ បាននាំគ្នាយកចបបង្គី ជីកផ្លូវលំក្រាលខ្សាច់ភ្នំមួយខ្សែដែលជាអំណោយរបស់កងវីស្វកម្មដើម្បីរំដោះជំនន់ទឹកភ្លៀងខណៈដែលទឹកភ្លៀងបាននិងជនលិចដីស្រែ លំនៅឋានរបស់ពួកគាត់និងកំពុងបន្តលិចផ្លូវលំតូចៗចូលក្នុងភូមិផងដែរ ។
បើតាមប្រជាពលរដ្ឋបានឲ្យដឹងថា ជំនន់ទឹកភ្លៀងនេះបានបង្កឲ្យមានផលប៉ះពាល់យ៉ាងខ្លាំងដល់លំនៅដ្ឋានរបស់ពួកគាត់រួមទាំងកន្លែងចិញ្ជឹមសត្វទៀតផងពុំអាចឲ្យសត្វរស់នៅក្នុងភូមិបានទៀតទេចាប់តាំងពីរយៈពេលមុនភ្ជំបិណ្ឌទៅទៀត។ ដោយឃើញសភាពបែបនេះពួកគាត់បានប្រាប់លោកទៅមេភូមិ មេឃុំផងដែរប៉ុន្តែតែចុងក្រោយគឺពុំអាចជួយអ្វីបានទាំងអស់ក្រៅពីមកឈរមើលហើយចេញទៅវិញ ។
ប្រភពដដែលបន្តថា នៅពេលថ្មីៗកន្លងទៅនេះពួកគាត់ក៏បាននាំគ្នាឡើងមកដល់សាលាស្រុកស្វាយជ្រំទៀតដើម្បីឲ្យខាងស្រុកជួយដោះស្រាយប៉ុន្តែខាងស្រុកនិយាយថា លុះត្រាណាមានថវិកាចាប់ពី៣០០ដុល្លាទៅ៣៥០ដុល្លា ដើម្បីជួលគ្រឿងចក្រមកជីកដើម្បីដាក់លូរទើបដូច្នេះហើយសូមឲ្យពួកគាត់ជួយរកលុយមកទើបបាន។
ប្រភពបញ្ជាក់ថា ដោយអស់ជម្រើសទើបពួកគាត់ក៏នាំគ្នាជីកផ្តាច់ផ្លូវតែម្តងទៅពីព្រោះគ្មានលុយជួលគ្រឿងចក្រទេបើពុំដូច្នេះទេច្បាស់ជាសត្វរបស់ពួតគាត់គ្មានទីជំរកងាប់អស់ជាពុំខាន។ ម្យ៉ាងទៀតនៅត្រង់កន្លែងនោះកាលពីដើមគឺមានលូទឹកមួយដើម្បីបង្ហូរទឹកចូលទៅក្នុងព្រែកលុះដល់ខាងកងវិស្វកម្មមកធ្វើផ្លូវថ្មីបានស្អាតហើយបែរជាលុបលូរទឹកចាស់បាត់ជាហេតុធ្វើឲ្យមានកើតគ្រោះជំនន់ទឹកភ្លៀងជន់លិចភូមិដ្ឋានរបស់ពួកគាត់ទៅវិញ ។
លោក សុទ្ធ គឹមច័ន្ទ អភិបាលស្រុកស្វាយជ្រំបាន ឲ្យដឹងថា រឿងនេះលោកបានដឹងហើយលោកក៏បានអំពាវនាវឲ្យប្រជាពលរដ្ឋដើម្បីរកថវិកាជួលគ្រឿងចក្រដើម្បីជីកដាក់លូរបង្ហូរទឹកប៉ុន្តែប្រជាពលរដ្ឋគ្មានលទ្ធភាពទេ។ ម្យ៉ាងទៀតគ្រឿងចក្ររបស់កងវិស្វកម្មត្រូវបានដឹកយកទៅកន្លែងផ្សេងហើយដូច្នេះហើយមានតែជួលខាងឯកជនមកជីកទេហើយគេយកតំលៃ៣០០ដុល្លាទៅ៣៥០ដុល្លាឯណោះ។ លោកអភិបាលស្រុកបន្តទៀតថា រឿងនេះលោកនឹងឲ្យមន្ត្រីជំនាញចុះទៅពិនិត្យមើលបន្តទៀត ៕
ដោយ៖ ឃឹម សុថាន
