ភ្នំពេញ ៖ សម្តចបានថ្លែងយ៉ាងដូចច្នេះថា «ខ្ញុំពិតជាសប្បាយ ចិត្ត ខ្លាំងណាស់ ដែលមានឱកាសបានចុះជួបកូនក្មួយផ្ទាល់ ដើម្បីស្វែងយល់ពីសុខទុក្ខការងារនៅតាមរោងចក្រ។ ពូអរគុណក្មួយៗដែលមួយចំនួនបានងើបតាំងពីយប់មកចូលរួមពិធីសំណេះសំណាលព្រឹកនេះ»។
ក្នុងឱកាសនោះ សម្តចបានបង្ហាញរូបថតអនុស្សាវរីយ៍ប្រវត្តិសាស្រ្ត ១សន្លឹក ថតឆ្នាំ១៩៨២ ក្នុងពេលទស្សនកិច្ចនៅប្រទេស ប៊ុលហ្គារី ។ សម្តចបានលើកឡើងទៀតថា ខ្ញុំចាំបានថា អាវដែលខ្ញុំពាក់នេះ គឺជាកាដូរបស់ លោក តូដូ ហ្ស៊ីវកូវ (Todor Zhivkov) អតីតប្រធានាធិបតី ប៊ុលហ្គារី នាពេលនោះ។ ក្នុងពេលនោះ គឺខ្ញុំសម្រាកនៅ វ៉ាណា ប៊ុលហ្គារី ជាមួយ ឯកឧត្តម ចម ប្រសិទ្ឋិ និងកូន ម៉ាណែត។ គ្រប់កាលៈទេសៈទាំងអស់ គឺកម្ពុជាត្រូវបង្កើនមិត្ត និងពង្រីកទំនាក់ទំនងការបរទេសអោយបានច្រើនជាមួយបណ្តាប្រទេសនានាលើពិភពលោក។ មានការតស៊ូប្រឹងប្រែងនៅថ្ងៃនោះ ទើបមានថ្ងៃនេះ។
សម្តចក៏បានជូនពរជនរួមជាតិ និងកូនក្មួយកម្មករទាំងអស់ជួបតែសេចក្តីសុខ និងសុភមង្គលគ្រប់ៗគ្នា៕
