ខេត្តរតនៈគីរី ៖ ឈើហុបឡាំងបួនជ្រុងប្រភេទសុក្រំ រាប់រយកំណាត់ ដែលក្រុមឈ្មួញប្រមូលជាគំនរលាក់ទុកនៅក្នុងតំបន់ដែនជំរកសត្វព្រៃលំផាត់ត្រូវបានកំលាំងរបស់ការិយាល័យនគរបាលប្រឆាំងបទល្មើសសេដ្ឋកិច្ចខេត្តចុះបង្ក្រាប។
ការចុះប្រតិបត្តិការបង្ក្រាបនោះធ្វើឡើងនារសៀល ថ្ងៃ អាទិត្យ៦រោច ខែ បុស្ស ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី ៧ខែមករាឆ្នាំ២០១៨ក្រោមការចអុលបង្ហាញពីលោក ឧត្តសេនីយ៍ទោ ងួន គឿន ស្នងការនគរពបាលខេត្ត។
ដឹកនាំដោយលោកវរៈសេនីយ៍ឯក នូវ ដារ៉ា នាយការិយាល័យនគបាលប្រឆំាងបទល្មើសសេដ្ឋកិច្ចនៃស្នងការខេត្ត រួមសហការនិងកំលាំងប្រតិបត្តិការសឹករងខេត្តរតនគីរី ។ កំលាំងមូលដ្ឋានស្រុកលំផាត់និងកំលាំងជំនាញបរិស្ថានដែនជម្រកសត្វព្រៃលំផាត់ ។
តាមប្រភពពីសមត្ថកិច្ចចុះបង្ក្រាប់ផ្ទាល់នោះបានឱដឹងថាឈើហុបឡាំងបួនជ្រុងប្រភេទសុក្រំដែលបានរកឃើញនោះមានចំនួន១១៣កំណាត់ដែលមានមុខកាត់៤០គុណ៤០បណ្តោយ៤ម៉ែត្រ។
ប្រភពបានបន្តថាឈើដែលក្រុមឈ្មួញដឹកមកលាក់ទុកនោះនៅចំណុចគីឡូម៉ែត្រលេខ២៥៥ស្ថិតក្នុងភូមិថ្មី ឃុំជ័យឧត្តម ស្រុកលំផាត់ ខេត្តរតនគីរី ។
លោក វរៈសេនីយ៍ឯក នូវដារ៉ាប្រធានការិយាល័យនគរបាលប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តរតនគិរីឱ្យក្រុមអ្នកព័ត៌មានដឹងថាឈើដែលឈ្មួញលាក់ទុកចំណុចខាងលើគឺជាប្រភេទឈើសុក្រុំមានចំនួន១១៣ កំណាត់ដែលមានមុខកាត់ធំៗគឺ៤តឹកគុណ៤តឹកបណ្តោយ៤ម៉ែត្រសង្ស័យក្រុមឈ្មួញលាក់ទុកសម្រាប់លក់ធ្វើអាជីវកម្មនៅពេលណាមានឧិកាសល្អ។
លោកបន្ថែមថា ឈើទាំងអស់នោះបានធ្វើកំណត់ហេតុដកហូតរួចប្រគល់ទៅឱ្យប៉ុសិ៍្ដបរិស្ថានលំផាតធ្វើការវាសវែងដើម្បីចាត់វិធានការទៅតាមផ្លូវច្បាប់។
លោកអ៊ូសុធាប្រធានប៉ុស្តិ៍បរិស្ថានលំផាតនៅរសៀលថ្ងៃទី៨ខែមករាឆ្នាំ២០១៨បានប្រាប់ក្រុមអ្នកព័ត៌ទូរស័ព្ទថាឈើដែលប៉ូលិសប្រគលឱ្យនោះនៅមិនទាន់បានវាស់វែងដឹងចំំនួននៅឡើយទេព្រោះកំពុងដឹកជញ្ជូនយកមកទុកនៅប៉ុស្តិ៍ដើម្បីវាស់វែងឱ្យដឹងចំនួនរួចកសាងឯកសារជូនទៅមន្ទីរបរិស្ថានខេត្ដដើម្បីមានវិធានការបន្ដ។
លោកផុនខេមរិន្ទប្រធានមន្ទីរបរិស្ថានខេត្ដរតនគិរីនៅព្រឹកថ្ងៃទី៩ខែមករាឆ្នាំ២០១៨នេះមិនអាចសុំកាបំភ្លឺអំពីចំណាត់ កាទៅលើក្រុមឈ្មួញដែលលួចកាប់ឈើក្នុងដែនជម្រកសត្វលំផាត់ដែនគ្រប់គ្រងរបស់លោកនោះបានទព្រោះទូរស័ព្ទ រោរ្ត៍ជាច្រើនដងពុំមានអ្នកលើក។
តាមប្រភពពីកន្លែងបង្ក្រាបឈើនោះលួចបង្ហើបដោយសុំមិនបញ្ចេញឈ្មោះថាៈឈើនេះជារបស់ លោកស្រៀន ម៉េង មានឋានៈផ្កាយមួយយោធាដែលជាឈ្មួញឈើដ៏ល្បីល្បាញនៅខេត្តមណ្ឌលគីរី ហើយប្រភពឈើគឺដឹកចេញមកពីតំបន់ដែនជម្រកសត្វព្រៃលំផាត់ខេត្តរតនគីរី់ មានព្រំប្រទល់ជាប់ស្រុកកោះញ៉ែកខេត្តមណ្ឌលគីរី។
ដោយក្នុងមួយយប់ៗមានរថយន្តខ្នាតយីឌុប និងរថយន្តខ្នាតV1ដឹកឈើមិនតិចជាង5៥គ្រឿងនោះទេ ។
ឯបញ្ហាបទល្មើសការដឹកជញ្ជូនឈើនៅតំបន់ខេត្តរតនគីរីនិងខេត្តមណ្ឌលគីរីនៃភូមិភាគឥសានទាំងឈើមានច្បាប់និងឈើគ្មានច្បាប់មួយរយៈនេះហាក់មានការកំរើកឡើងវិញនៅតាមខ្សែរបន្ទាត់ព្រុំដែនកម្ពុជាវៀតណាមជាពិសេសតំបន់អូរតាង អូរថ្មស្ថិតក្នុងឃុំសេដាស្រុកលំផាត់ខេត្តរតនគិរីនិងមួយចំនួនមានការលួចលាក់ដឹកឈើចេញមកខេត្តមណ្ឌលគីរីឆ្លងចូលមកតំបន់ខាងលើនោះ៕ ដោយ ៖ សហការី