ខេត្តព្រះវិហារ ៖ ពិតជាធ្វើឲ្យសង្វេកណាស់ ឪពុកជិះម៉ូតូឌុបកូនស្រីបានស្លាប់ទាំង២នាក់ យ៉ាងរន្ធត់ ដោយគ្រោះថ្នាក់ចរាចរណ៍ រវាងម៉ូតូបុកជាមួយគោយន្តកន្ត្រៃ ក្នុងទិសដៅបញ្ច្រាសទិសគ្នា នាវេលាម៉ោង៩ព្រឹក ថ្ងៃទី៩ ខែមករា ឆ្នាំ២០១៨ លើផ្លូវជាតិលេខ៩ ។
សេចក្តីរាយការណ៍បានឲ្យដឹងថា ជនរងគ្រោះឈ្មោះ កែវ គុយ ភេទប្រុស អាយុ២៣ឆ្នាំ មុខរបរកសិករ ជិះម៉ូតូម៉ាកហុងដា ស៊េរីឆ្នាំ២០០៩ ឡើងតែម២០១៧ រួមដំណើរដោយ ឌុបកូនស្រីឈ្មោះ កែវ នីសា អាយុ៣ឆ្នាំ បានស្លាប់ទាំង២នាក់ភ្លាមៗនៅនឹងកន្លែងកើត ហេតុ ។ ជនរងគ្រោះរស់នៅភូមិសាឯមឃុំសង្កែមួយ ស្រុកឆែប ខេត្តព្រះវិហារ ។
ចំណែកអ្នកបើកគោយន្តកន្ត្រៃឈ្មោះ សុខ អិត ភេទប្រុស អាយុ៣២ឆ្នាំ មុខរបរកសិករ របួសពងម្ខាងស្រាល រស់នៅភូមិកាឡោត ឃុំសង្កែពីរ ស្រុកឆែប ខេត្តព្រះវិហារ ។
ក្រោយកើតហេតុ សមត្ថកិច្ចបានចុះមកពិនិត្យនិងវាស់វែងតាមជំនាញ ដោយបានយកមធ្យោបាយធ្វើដំណើរទាំង២គ្រឿងមករក្សាទុកនៅអធិការដ្ឋាននគរបាលស្រុកឆែប ៕ វណ្ណៈ
