ភ្នំពេញ៖ ជនសង្ស័យ៣នាក់រួមជាមួយថ្នាំញៀន២កញ្ចប់ធំត្រូវកម្លាំងនគរបាលព្រហ្មទណ្ឌខណ្ឌចំការមន សហការជាមួយប៉ុស្តិ៍ទំនុបទឹកឃាត់ខ្លួនហេតុកាលនេះកាលពីវេលាម៉ោង៣និង៣០នាទី ថ្ងៃទី២៧ខែតុលានៅចំណុច ផ្លូវលំលេខ៤៣៤ សង្កាត់ទំនុបទឹក ខណ្ឌចំការមន រាជធានីភ្នំពេញ។
បើតាមប្រភពពត៌មានពីលោកហ៊ាង ថារ៉េត អធិការរងទទួលផែនព្រហ្មទណ្ឌខណ្ឌចំការមនឱ្យដឹងថា ជនសង្ស័យដែលត្រូវឃាត់ខ្លួនទាំង៣នាក់នោះ ១ឈ្មោះកុយ សម្បត្តិ ភេទប្រុសអាយុ៣៤ឆ្នាំមុខរបរកម្មករលីសែងស្នាក់នៅបន្ទប់ជួលភូមិផ្អេរ សង្កាត់ទំនប់ទឹក ខណ្ឌចំការមនមានស្រុកកំណើតនៅភូមិត្នោត ឃុំកំពង់ចិនខាងជើង ស្រុកស្ទាង ខេត្តកំពង់ធំថ្នាំក្រាមសថ្លា១កញ្ចប់ ក្រោយពីការសាកសួររួចក៏ឈានដល់ឆែកឆេរផ្ទះលក់ដែលស្ថិតនៅក្រុម២៦ ភូមិ៤ ផ្លូវ២០៧ សង្កាត់ទំនប់ទឹក ខណ្ឌចំការមនជាអ្នកប្រើប្រាស់ ឈានដល់ការឃាត់ខ្លួនជន សង្ស័យជាម្ចាស់ផ្ទះមានឈ្មោះ សោម លក្ខណា ភេទស្រីអាយុ២៤ឆ្នាំមុខរបរស៊ីឈ្នួលលាងចានស្នាក់នៅផ្ទះលេខ៦D ផ្លូវលេខ២០៧ ក្រុម២៦ ស្ថិតនៅភូមិ៤ សង្កាត់ទំនប់ទឹកខណ្ឌចំការមន និងឈ្មោះ សោម ចាន់ថុន ភេទប្រុសអាយុ៣៥ឆ្នាំមុខរបរនៅផ្ទះទាំង២នាក់ជាបងប្អូនបង្កើតនឹងគ្នាជាអ្នកចែកចាយគ្រឿងញៀន ។
លោកហ៊ាង ថារ៉េត បានបន្តទៀតថាបន្ទាប់ពីចាប់បានជនសង្ស័យប្រើប្រាស់ថ្នាំញៀនរួចក៏សួរនាំពីកន្លែងទិញរួចបានឆ្លងយល់បល់ពីលោកតុប ឈុនឡុង ព្រះរាជជ្ញារងអមសាលាដំបូងរាជធានីភ្នំពេញឈានចូលឆែកឆេរនិងឃាត់ខ្លួនស្ត្រី២នាក់អ្នកជួញដូរថ្នាំញៀននិងដកហូតបានក្រាមសថ្លា២កញ្ចប់ធំទៀតនិង លុយចំនួន២០ម៉ឺនរៀល ។
បច្ចុប្បន្នជនសង្ស័យទាំង៣នាក់រួមទាំងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅអធិការដ្ឋានខណ្ឌចំការមនចាត់ការតាមច្បាប់ ៕
ដោយ៖ ស រស្មី
