ភ្នំពេញ៖ ជនសង្ស័យក្នុងចំណោមពីនាក់ត្រូវនគរបាលប៉ុស្តិ៍រដ្ឋបាលសង្កាត់អូបែកក្អមធ្វើការឃាត់ខ្លួនបន្ទាប់ពីពួកគេជិះម៉ូតូឌុបគ្នាបំរ៉ុងធ្វើសកម្មភាពទាក់សត្វឆ្កែនៅពេលយប់។
ការឃាត់ខ្លួនជនសង្ស័យខាងលើនេះកាលពី ថ្ងៃ សុក្រ ១១រោច ខែ បុស្ស ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី ១២ ខែ មករា ឆ្នាំ ២០១៨ នៅម្ដុំវត្តអង្គតាមិញ សង្កាត់អូបែកក្អម ខណ្ឌសែនសុខ ។
ជនសង្ស័យខាងលើមានឈ្មោះ ជូ អាយុ ៤៣ឆ្នាំ មុខរបរ និងទីលំនៅ មិនពិតប្រាកដ ចំណែកបក្សពួកម្នាក់ទៀតរត់គេចខ្លួន។
ប្រភពពីសមត្ថកិច្ចបានឲ្យដឹងថា៖ មុនពេលកើតហេតុគេឃើញជនសង្ស័យខាងលើជិះម៉ូតូ ១គ្រឿង ម៉ាកឌ្រីមសេ១២៥ ពណ៌ខ្មៅ ជិះគ្នា ២នាក់ បានបម្រុងធ្វើកម្មភាពទាក់ឆ្កែ ខណៈនោះ សមត្ថកិច្ចឃើញសង្ស័យ ក៏ធ្វើការប្រដេញដល់ចំណុចកើតហេតុខាងលើចាប់ខ្លួនបានម្នាក់ ចំណែកម្នាក់រត់គេចខ្លួន ។
ហើយសមត្ថកិច្ចក៍នាំខ្លួនជនសង្ស័យខាងលើយកទៅសាកសួរនៅប៉ុស្តិ៍ក្រោយមកពិនិត្យឃើញមានសារធាតុញៀននៅក្នុងទឹកនោម។
បច្ចុប្បន្នជនសង្ស័យកំពង់ឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីចាត់ការតាមនិតិវិធីបន្ត៕ តុង សីហា