ភ្នំពេញ៖ នៅវេលាម៉ោង៤រសៀលថ្ងៃទី២៨ ខែតុលា ឆ្នាំ២០១៥ កម្លាំងសមត្ថកិច្ចអន្តោប្រសេន៍ ចុះឃាត់ខ្លួនជនជាតិវៀតណាមចំនួន១៥នាក់(ស្រីចំនួន១០នាក់) ពាក់ព័ន្ធនិងករណី មករស់នៅប្រទេសកម្ពុជាខុសច្បាប់ នៅតាមបណ្ដោយផ្លូវ២៤៧ ភូមិ១០ ក្រុម២៥ ចំណុចផ្ទះជួលលេខ៤៧, ៤៧, ៥២, ៤១៦ និងលេខ៤០៨z ក្នុងសង្កាត់ បឹងសាឡាង ខណ្ឌទួលគោក រាជធានីភ្នំពេញ ។
លោក ឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្កេត អនុវត្តន៍និតិវិធីនៃអគ្គនាយកដ្ឋានអន្តោប្រវេសន៍បានឲ្យដឹងថា ក្រោយស្រាវជ្រាវ និងទទួលបានព័ត៌មានថា មានជនជាតិវៀតណាម ចំនួន១៥នាក់(ស្រីចំនួន១០នាក់) មករកសីុបើកហាងលក់ការហ្វេ និងម៉ាស្សា កោសជប់ និងរកស៊ីលក់ដូរជាដើម ។
លោក ឧត្តមសេនីយ៍ទោ អ៊ុក ហៃសីឡា បានបន្តទៀតថា ក្រោយពីត្រួតពិនិត្យរួច កម្លាំងរបស់លោកបានរកឃើញជនជាតិវៀតណាមចំនួន១៥នាក់(ស្រីចំនួន១០នាក់) ត្រូវបានសមត្ថកិច្ចឃាត់ខ្លួនបញ្ជួនទៅ អគ្គនាយកដ្ឋានអន្តោប្រវេសន៍ដើម្បី ធ្វើការអប់រំណែនាំឲ្យធ្វើសៀវភៅកាងារ និងផាកពិន័យ តាមច្បាប់ ដោយផាកពិន័យថវិការចូលរដ្ឋចំនួន៥០ម៉ឺនរៀលសម្រាប់ជនជាតិបរទេសម្នាក់ ។
ពាក់ព័ន្ធនឹងករណីនេះផងដែរ លោកក៏បានអំពាវនាវ និងសុំឲ្យជនបទេសដែលស្នាក់នៅ និងធ្វើការសុំច្បាប់ និង គោរពច្បាប់ ប្រទេសកម្ពុជាផង បើពុំនោះទេ សមត្ថកិច្ចនឹងចាត់វិធានការដោយពុំលើកលែងឡើយ ។
លោកឧត្ដមសេនីយ៍ទោបានបន្តបន្ថែមទៀតថា កន្លងមកលោកបានអំពាវនាវ ដល់ម្ចាស់ រោងចក្រ សហគ្រាស់ និងសិប្បកម្មនានាទាំងអស់ឲ្យបញ្ឈប់ការជួលកម្មករបរទេសដែលចូលមកដោយ ខុសច្បាប់មកធ្វើការបន្តទៀតនៅក្នុងការរដ្ឋាន និងសិប្បកម្ម ឬហាងផ្សេងៗ របស់ខ្លួន បើពុំនោះទេ សមត្ថកិច្ចនិងចាត់វិធានការ ទៅតាមផ្លូវច្បាប់ចំពោះអ្នករឹងទទឹង ។
យោងតាមមាត្រា ទី ២៩ ច្បាប់ស្តីពីអន្តោរប្រវេសន៍បានចែងថា ជនបរទេសណា ដែលគ្មានការអនុញាតិ ហើយចូលមកក្នុងព្រះរាជាណាចក្រកម្ពុជា ដោយលបលួច លាក់បន្លំ ឫ ល្បិចផ្សេង ទៀតដែល ផ្ទុយពីបទបញ្ញាតិ នៃច្បាប់នេះ ត្រូវផ្តន្ទាទោស ដាក់គុកពីបី ខែដល់ ៦ខែ មុននឹងបណ្តេញចេញ ត្រូវផ្តន្ទាទោស ដូចគ្នានឹងជនល្មើស ចំពោះជនណាដែលផ្តល់ជំនួយ ឫ ជួយលាក់បាំងក្នុងការបញ្ចូល ជនបរទេស ដែលគ្មានការអនុញាតិ មកក្នុងព្រះរាជាណាចក្រកម្ពុជា មន្ត្រីឯភ្ញាក់ងាររាជការ មានសមត្ថកិច្ច រូបណា ដែលជាអ្នកសមគំនិតឫ ជួយសម្រួលក្នុងការប្រព្រឹត្ត បទល្មើសខាងលើ ត្រូវផ្តន្ទាទោស ដាក់គុកពី ១ខែដល់១ឆ្នាំ ហើយមន្ត្រីរាជការមានសមត្ថកិច្ចរូបណា ដែលធ្វើមានការ ធ្វេសប្រហេស ខ្វះការប្រុងប្រយត្ន័ ឫ មិន គោរពបទបញ្ជា ត្រូវ ទទួល ការផ្តន្ទាទោស ផ្នែករដ្ឋបាល មធ្យោបាយ សម្ភារះប្រើប្រាស់ សម្រាប់ប្រព្រឹត្តបទល្មើស ត្រូវរឹមអូស ទុកជាសម្បត្តិ រដ្ឋដោយតុលាការ ៕
ដោយ៖ ស រស្មី
