សង្ស័យបែកថ្នាំ ស្ទាក់ចាប់រំលោភក្មេងស្រីមិនបានសំរេចទាញកាំបិតចាក់សម្លាប់ ពេលមិត្តភក្តិនិងគូដណ្តឹង ហើយព្យាយាមចាក់ធ្វើអត្តឃាតខ្លួនឯងតែមិនបានសំរេច

ចែករំលែក៖

ខេត្តពោធិសាត់៖ ក្មេងស្រី​ជា​សិស្សសាលា​វ័យ១៣ឆ្នាំ​ម្នា​ក់បាន​ស្លាប់បាត់​បង់ជីវិត នៅ​កន្លែងកើតហេតុ​ខណៈ​ចេញ​មកពី​សាលា​ដើរទៅ​ផ្ទះ​ក៏ត្រូវ​ជនសង្ស័យ​ម្នាក់​ពួនស្ទាក់ ចាប់​ប៉ុនប៉ង​រំលោភ​តែ​ត្រូវ​បែកការ​ដោយសារ​មាន​សិស្សសាលា​ជាច្រើន​បានឃើញ​ហើយ ​ស្រែក​ឆោឡោ​ទើប​ជនសង្ស័យ​នោះ​សម្រេចចិត្ត​ចាក់១កាំបិត​ចំ​គល់​ដោះ​ខាងឆ្វេង​បណ្តាលឱ្យ​ក្មេងស្រី​រងគ្រោះ​ស្លាប់ភ្លាមៗ ហេតុការណ៍នេះបានកើតឡើងកាលពី​វេលាម៉ោង១១ៈ៣០នាទី​ថ្ងៃទី ១៨ ខែ មករា ឆ្នាំ២០១៨ នៅចំនុចបឹងតាហា ក្នងភូមិ ក្សេត្របូិរី ឃុំ សន្ទ្រៃ ស្រុភ្នំក្រវ៉ាញ​ខេត្តពោធិសាត់ ​។

តាមប្រភពសមត្ថកិច្ចបានអោយដឹងថា៖ ជនរងគ្រោះមានឈ្មោះ យឿន យ៉ា ភេទ ស្រី អាយុ១៣ឆ្នាំ ជាសិស្សថ្នាក់ទី៤ ​រស់នៅភូមិ.ឃុំកន្លែងកើតហេតុ ។ ចំណែកជនសង្ស័យ​មានឈ្មោះ ង៉ុយ អុី ភេទប្រុស អាយ ២២ឆ្នាំ មានទីលំនៅភូមិ.ឃុំកន្លែងកើតហេតុ ។

ក្រោយពី​ជនសង្ស័យ​បាន​ចាក់១កាំបិត​សម្លាប់​ក្មេងស្រី​រងគ្រោះ​បានសម្រេច​ហើយ មិត្ត​ ភ​ក្រ័​ក្មេងស្រី​រងគ្រោះ​ប្រុស​ស្រី​ចំនួន៣នាក់​ទៀត​បាននាំគ្នា​រត់​ដេញតាម​ចាប់​ជនសង្ស័យ​ពេលនោះ​ជនសង្ស័យ ក៏បាន​ចាក់ទៅលើ​មិត្ត​ភ​ក្ត្រ័​ក្មេងស្រី​​រងគ្រោះ បណ្តាលឱ្យ​រងរបួស២នាក់​ថែមទៀត​ រួចហើយ​ជនសង្ស័យ​ក៏បាន​យក​កាំ​ចាក់​ខ្លួនឯង​ប្រុង​សម្លាប់ខ្លួន​តែ​មិន​ស្លាប់​ត្រូវបាន​សមត្ថកិច្ច​ឃាត់ខ្លួន។

ជនរងគ្រោះ​ប្រុស​ស្រី២នាក់ ត្រូវបាន​បញ្ជូន មក​ម​ន្ទីរ​ពេទ្យ​ដើម្បី​ជួយសង្គ្រោះ​អាយុជីវិត រីឯ​ជនសង្ស័យ​ក៏​រងរបួស​ដែរ​ដោយសារ​យក​កាំបិត​ចាក់​ខ្លួនឯង​ហើយ​សមត្ថកិច្ច​ក៍បាន​យកមក​សង្គ្រោះ​នៅ​មន្ទីរពេទ្យ​ផងដែរ​ប៉ុន្តែ​សមត្ថកិច្ច​មានការ​យាមកាម​ត្រឹមត្រូវ។ រហូតមកទល់​ពេលនេះ សមត្ថកិច្ច​មិនទាន់​ផ្តល់​ពី​អត្តសញ្ញាណ​ជនរងគ្រោះ​ទាំង៣នាក់​និង​ជនសង្ស័យ​នៅឡើយ​ទេ ដោយសារ​ជាប់រវល់​ក្នុងការ​​យាមកាម​ជនសង្ស័យ​ដែល​កំពុង​ដេក​ព្យាបាល​នៅ​មន្ទីរពេទ្យ៕សហការី

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print